जळगाव मिरर | २९ जानेवारी २०२४
मकर संक्रांती निमित्त महिलांसाठी हळदी कुंकूवाच्या कार्यक्रमाचे आयोजन उद्धव बाळासाहेब ठाकरे गटाच्या नेत्या वैशाली सुर्यवंशी यांनी केले असुन या कार्यक्रमासाठी सिनेअभिनेते न्यु होम मिनिस्टर खेळ पैठणीचा फेम क्रांती नाना मळेगावकर व बाल गायिका टी. व्ही. स्टार सह्याद्री मळेगावकर हे येणार असल्याची माहिती वैशाली सुर्यवंशी यांनी शिवतीर्थ शिवसेना कार्यालयात आयोजित पत्रकार परिषदेत दिली. याप्रसंगी उपजिल्हाप्रमुख उद्धव मराठे, शेतकरी सेनेचे जिल्हाप्रमुख अरुण पाटील, राजेंद्र राणा, मंदाकिनी पारोचे, कुंदन पंड्या, जयश्री येवले, नाना वाघ, संतोष पाटील उपस्थित होते.
पाचोरा शहरासह तालुक्यातील महिलांना एक विरंगुळा म्हणून उद्धव बाळासाहेब ठाकरे सेनेच्या नेत्या वैशाली सुर्यवंशी यांनी मकर संक्रांतीच्या निमित्ताने महिलांसाठी हळदी कुंकूवाच्या कार्यक्रम आयोजित केला आहे. या कार्यक्रमाचे मुख्य आकर्षण म्हणजे न्यु होम मिनिस्टर खेळ पैठणीचा फेम सिने अभिनेते क्रांती नाना मळेगावकर व बाल गायिका टी. व्ही. स्टार सह्याद्री मळेगावकर हे असणार आहे.
१ फेब्रुवारी रोजी सायंकाळी ५ वाजता शहरातील भडगाव रोडवरील कैलामाता मंदिराजवळील मैदानावर हा कार्यक्रम संपन्न होणार असुन महिलांसाठी प्रश्नमंजुशा कार्यक्रम घेण्यात येणार असुन यात प्रथम बक्षीस एल. ई. डी. टी. व्ही. , द्वितीय बक्षीस पिठाची गिरणी, तृतीय बक्षीस गॅस शेगडी, चतुर्थ बक्षीस मिस्कर व पाचवे बक्षीस इस्त्री देण्यात येणार आहे.
यासोबतच कार्यक्रमात महिलांना प्रश्न विचारले जाणार असुन अचुक उत्तर देणाऱ्या महिलांना भेट वस्तू देण्यात येणार आहे. या कार्यक्रमाचा शहरासह तालुक्यातील महिलांना लाभ घ्यावा असे आवाहन वैशाली सुर्यवंशी यांनी पत्रकार परिषदेत दिली.
