जळगाव मिरर | ३ मे २०२४
शहरातील फुले मार्केटजवळ काहीही कारण नसतांना नमकिन विक्रेत्याला अनोळखी तीन जणांनी शिवीगाळ करता लोखंडी पट्टीने वार करून जखमी केल्याची घटना गुरूवारी २ मे रोजी रात्री ९ वाजता घडली आहे. याप्रकरणी रात्री ११ वाजता जळगाव शहर पोलीस ठाण्यात अनोळखी तीन जणांविरोधात गुन्हा दाखल करण्यात आला आहे.
मिळालेल्या माहितीनुसार, शहरातील सिंधी कॉलनी परिसरातील अनिल गुलाबरावय संतदासाणी वय ५० रा हे आपल्या कुटुंबासह वास्तव्याला आहे. फुले मार्केट परिसरात नमकिन विक्री करून ते आपला उदरनिर्वाह करतात. नेहमीप्रमाणे गुरूवार २ मे रोजी रात्री ९ वाजता ते फुले मार्केट येथे नमकिन विक्री करत असतांना त्यांच्याजवळ अनोळखी तीन जण आले. त्यांनी काहीही कारण नसतांना अनिल संतदासाणी यांना शिवीगाळ करत लोखंडी पट्टीने वार करून गंभीर दुखापत करत दमदाटी केली. त्यानंतर त्यांनी जळगाव शहर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून रात्री ११ वाजता जळगाव शहर पोलीस ठाण्यात गुन्हा दाखल करण्यात आला आहे. पुढील तपास पोहेकॉ बालाजी बारी हे करीत आहे.
