जळगाव मिरर | ८ नोव्हेबर २०२४
रात्री गस्त घालताना पारोळा पोलिसांनी पाच गुरांसह बोलेरो पिकअप वाहन पकडून दोन जणांना अटक करण्यात आली आहे.
मिळालेल्या माहितीनुसार, पारोळा तालुक्यातील वंजारी शिवारातील अमळनेर रस्त्यावर पोलिस निरीक्षक सुनील पवार हे कर्मचाऱ्यांसह ६ रोजी पहाटे ३.३० वाजेच्या सुमारास गस्त घालत होते. या वेळी सुभाष राजाराम सानप (वय ३२, रा. गिरोली, ता. देऊळगाव राजा, जि. बुलढाणा), अक्षय गजानन तुपकर (वय ३३, रा. गुंज ता. सिंदखेड राजा) हे दोघेही पिकअप वाहन (एमएच २८, बीबी० ४५५१) ने विना आरटीओ पास तसेच परवाना न घेता ५ गोऱ्यांची वाहतुक करताना आढळून आले. या वेळी विचारले असता त्यांनी, हे बैल हे नागोर (राजस्थान) च्या बाजारातून आणल्याचे सांगितले. मात्र, याबाबत कुठलीही पास वा परवाना त्यांच्याकडे नव्हता. त्या दोघांनाही पोलिसांनी ताब्यात घेवून त्यांच्याकडून ९ लाख २५ हजारांचा ऐवज जप्त केला. याप्रकरणी पोलिसांत गुन्हा नोंद करण्यात आला आहे.
