जळगाव मिरर | ८ नोव्हेबर २०२४
दोन दिवसांपासून नोकरीच्या शोधात जळगावात आलेल्या भावेश प्रकाश वखत्यापुरी (वय १९, न्यू सिंधी कॉलनी, नंदूरबार) या तरुणाने रेल्वे स्टेशन परिसरात असलेल्या आराम गेस्ट हाऊस या लॉजमध्ये गळफास घेवून आत्महत्या केली. ही घटना बुधवारी सकाळच्या सुमारास उघडकीस आली. याप्रकरणी शहर पोलिसात अकस्मात मृत्यूची नोंद करण्यात आली आहे.
नंदुरबार येथील भावेश प्रकाश वखत्यापुरी हा तरुण दोन दिवसांपुर्वी नोकरीच्या शोधार्थ जळगावात आला होता. दोन दिवस तो शहरात फिरला, मात्र त्याला काम मिळाले नाही. दोन दिवसांपासून तो रेल्वे स्टेशन परिसरात असलेल्या आराम गेस्ट हाऊस येथील लॉजवर राहत होता. मंगळवारी मध्यरात्रीच्या सुमारास भावेश याने लॉजमध्ये गळफास घेत आपली जीवनयात्रा संपविली. नोकरी मिळत नसलयाच्या नैराश्येत त्याने हे टोकाचे पाऊल उचलले असावे, असा अंदाज पोलिसांनी वर्तविला आहे. त्याला आई व वडील नसून त्याच्या पश्चात भाऊ व बहिण असा परिवार आहे. याप्रकरणी शहर पोलिसात अकस्मात मृत्यूची नोंद करण्यात आली आहे.
