जळगाव मिरर | ८ मार्च २०२५
आपल्या रोजच्या धकाधकीच्या जीवनात आपण आपल्या आरोग्याकडे दुर्लक्ष करतो. नियमित आरोग्य तपासणी केल्यास वेळीच खबरदारी घेता येते. वरिष्ठ पोलीस अधिकाऱ्यांनी नियमीत आरोग्य तपासणी करणे बंधनकारक आहे मात्र पोलीस कर्मचाऱ्यांसाठी तो नियम नाही. ४० पेक्षा अधिक वयाच्या पोलिसांनी दोन वर्षातून एकदा तर ५० वर्षापेक्षा अधिकच्या पोलिसांनी वर्षातून एकदा आरोग्य तपासणी करावी, असे आवाहन पोलीस अधीक्षक डॉ.महेश्वर रेड्डी यांनी केले.
महाराष्ट्र पोलीस बॉईज संघटना आणि अरुश्री मल्टी स्पेशालिटी हॉस्पिटल यांच्या संयुक्त विद्यमाने जागतिक महिला दिनानिमित्त मोफत आरोग्य तपासणी शिबिर आयोजित करण्यात आले होते. प्रसंगी ते बोलत होते. नवीन पोलीस वसाहत, पोलीस अधीक्षक कार्यालयमागे शिबिरात ६५० पेक्षा अधिक पोलीस आणि त्यांच्या कुटुंबीयांनी लाभ घेतला. शिबिरात पोलीस अधीक्षक डॉ.महेश्वर रेड्डी यांनी पोलिसांसाठी अशा आरोग्य तपासणी शिबिरांचे महत्त्व अधोरेखित केले आणि संघटनेच्या उपक्रमाचे कौतुक केले.
तज्ञ डॉक्टरांनी केली वैद्यकीय तपासणी
विविध तज्ज्ञ डॉक्टरांनी उपस्थित रुग्णांना वैद्यकीय सल्ला दिला. या उपक्रमामध्ये डॉ.परीक्षित बाविस्कर, डॉ.स्वाती बाविस्कर, डॉ.मनोज पाटील, डॉ.अजय सोनवणे, डॉ.अमित भंगाळे, डॉ.राहुल पवार, डॉ.वैशाली पुरी, डॉ.गोपाल घोलप, डॉ.सिद्धांत घोलप, डॉ.निकिता आंधळकर, डॉ.गोपाल थिलक, डॉ.धर्मेश पालवे, डॉ.गौरव बावणे, वैद्यकीय प्रतिनिधी गोपाल चौधरी आदी तज्ज्ञ डॉक्टरांनी तपासणी केली. या शिबिरात लिपीड प्रोफाईल, कोलोस्ट्रॉल, रक्त तपासणी, बीपी, शुगर, दमा, त्वचारोग, मुलव्याध, फिशर, भगंदर, अस्थिरोग, नेत्र तपासणी, दंत रोग तपासणी, कान-नाक-घसा विकार, न्यूरो, बालरोग, मूत्ररोग आणि लघवीचे विकार आदींची मोफत तपासणी करण्यात आली.
शिबिरासाठी यांनी घेतले परिश्रम
या शिबिरासाठी महाराष्ट्र पोलीस बॉईज संघटनेचे संस्थापक अध्यक्ष राहुल दुबाले यांच्या मार्गदर्शनाखाली जळगाव जिल्हा संपर्क प्रमुख कुणाल मोरे, किरण राजपूत, तन्वी पांडव, चेतन वाणी, राकेश कांबळे यांच्यासह जळगाव जिल्हा पोलीस प्रशासन, सामाजिक कार्यकर्ते भगवान सोनवणे, मुक्ती फाऊंडेशनचे मुकुंद गोसावी, हेमंत भंगाळे, राहुल सूर्यवंशी, अकील शेख, ममता राजपूत, उमा महाले, मनीषा साळुंखे, सुधीर शिरसाळे यांनी विशेष परिश्रम घेतले.
