जळगाव मिरर | २० मे २०२५
शहरातील पिंप्राळा परिसरात विकासकामे असून मात्र काही भागात मोठ्या नाल्याला सरक्षण भिंत नसल्याने मोठी दुर्घटना घडण्याची शक्यता नाकारता येत नाही. मनसे शहर उपाध्यक्ष श्रीकृष्ण मेंगडे यांनी या नाल्याला संरक्षण भिंत बनविण्याची मागणी केली आहे.
सविस्तर वृत्त असे कि, शहरातील सावखेडा ते पिंप्राळा कॉंक्रिटीकरण रस्त्याचे काम प्रगतीपथावर असून या रस्त्यावरील साईट पट्ट्या भरलेल्या नसल्यामुळे वाहनधारकाची अडचण निर्माण झाली आहे. तसेच शंभर मीटर एरियामध्ये सोनी नगर नवीन बांधलेल्या पुलापासून सरकारमान्य देशी दुकानापर्यंत संरक्षण भिंत असावी खोल नाला असल्यामुळे अपघाताचा धोका निर्माण झाला आहे तसेच सोनी नगर येथे बांधण्यात आलेल्या पूला जवळील गटारीचे उंची वाढवणे अत्यंत गरजेचे आहे काहीसा प्रमाणात पाऊस झाल्यावर रस्त्यावर नदीचे स्वरूप निर्माण होते ही अडचण सोनी नगर येथील रहिवाशांच्या अडचणी कडे प्रशासनाने लक्ष घालून काम करावे अशी मागणी महाराष्ट्र नवनिर्माण सेनेचे उपशहर अध्यक्ष श्रीकृष्ण मेंगडे यांनी मागणी केली आहे.
