जळगाव मिरर | २८ मे २०२५
जळगाव शहरातील अनेक परिसरातून दुचाकीसह सायकली चोरीच्या घटना सातत्याने घडत असतांना आता एमआयडीसी पोलिसांनी सायकलचोरी केल्या प्रकरणी एका १९ वर्षीय जयेश अशोक राजपूत (वय-१९) रा. मयूर कॉलनी पिंप्राळा या तरुणाला अटक करण्यात आली आहे. त्याच्याकडून पोलिस पथकाने २६ हजार रुपये किमतीच्या चोरीच्या दोन सायकली हस्तगत करण्यात आल्या आहेत.
सविस्तर वृत्त असे कि, जळगाव शहरातील मोहाडी आदर्श नगर भागातील गजेंद्र कुमार चुडामन रहिवासी मुलाची सायकल २७ मे रोजी चोरी झाली होती. या चोरीप्रकरणी त्या मुलाच्या वडिलांनी दिलेल्या फिर्यादीनुसार सायकल चोरीचा गुन्हा नोंद करण्यात आला होता. या गुन्ह्याच्या तपासात पोलिस निरीक्षक संदीप पाटील यांना समजलेल्या माहितीच्या आधारे जयेश राजपूत यास ताब्यात घेण्यात आले. जयेश राजपूत याने सायकल चोरीच्या गुन्ह्याची कबुली देत चोरीच्या दोन सायकली काढून दिल्या.
सदरची कार्यवाही पोलीस अधिक्षक श्री डॉ. महेश्वर रेड्डी, अप्पर पोलीस अधिक्षक अशोक नखाते, उपविभागिय पोलीस अधिकारी संदीप गावित, जळगाव भाग जळगाव व मा. पोलीस निरीक्षक श्री संदीप पाटील सो., यांच्या मार्गदर्शनखाली पो उपनिरी राहुल तायडे, पो उपनि चंद्रकांत धनके, पोना विकास सातदिवे, योगेश बारी, पोकॉ मंदार महाजन व पोकॉ इजराइल खाटील, आदींनी तपास व कारवाईकामी सहभाग घेतला गुन्हाचा पुढील तपास पोना विकास सातदिवे हे करीत आहेत.
