जळगाव मिरर | ५ सप्टेंबर २०२५
तालुक्यातील वसंतवाडी येथे विषारी औषध प्राशन केलेल्या अंजना शिवराम मोरे (वय २३) यांचा उपचार सुरु असतांना मृत्यू झाला. ही घटना बुधवारी घडली असून याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
सविस्तर वृत्त असे कि, जळगाव तालुक्यातील वसंतवाडी येथे अंजना मोरे या वास्तव्यास होत्या. दि. २४ रोजी त्यांनी काहीतरी विषारी औषध प्राशन केल्यामुळे त्यांना विषबाधा झाली. हा प्रकार त्यांच्या कुटुंबियांच्या लक्षात येताच, त्यांचे पती शिवराम मोरे यांनी त्यांना लागलीच उपचारार्थ जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी त्यांच्यावर उपचार सुरु असतांना दि. ३ रोजी त्यांचा उपचार सुरु असतांना मृत्यू झाला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली असून तपास सपोनि गणेश वाघ हे करीत आहे.
