जळगाव मिरर | १५ सप्टेंबर २०२५
शहरातील कोल्हेनगरात परिसरात अल्पवयीन मुलीशी मैत्री करून तिला काम मिळवून देण्याचे अमिष दाखवत तीला वेगवेगळ्या पुरुषांसोबत शारिरीक संबंध ठेवण्यास भाग पाडले. त्यातून ती सोळा वर्षीय अल्पवीयन मुलगी गर्भवती राहिल्यानंतर हा धक्कादायक प्रकार उघडकीस आला. हा प्रकार जून ते ऑगस्ट दरम्यान सुरु होता. याप्रकरणी दाम्पत्यासह एका महिला अशा तिघांविरुद्ध रामानंद नगर पोलिस ठाण्यात गुन्हा दाखल करण्यात आला आहे.
सविस्तर वृत्त असे कि, शहरातील रामानंद नगर पोलिस ठाण्याच्या हद्दीतील एका सोळा वर्षीय अल्पवयीन मुलीशी तुकाराम वाडीतील तरुणीने ओळख करून तिच्यासोबत मैत्री केली. त्यानंतर माझ्या मैत्रिणीकडे काम केल्यास तला खप पैसे मिळतील असे सांगून या मुलीची सतीश उर्फ मनोज सुभाष पाटील व सरला सतीश पाटील (दोन्ही रा. पौर्णिमा बंगला, कोल्हेनगर) या दोघांशी ओळख करून दिली. सुरुवातीला या तरुणीने पीडित मुलीला पांडे डेअरी चौकात बोलविले. त्यानंतर रात्री १० वाजता सतीश पाटील व सरला पाटील यांच्यासह एक अनोळखी पुरुष कारमध्ये आले आणि मुलीला त्यांच्या घरी घेऊन गेले. रात्रभर ती मुलगी तेथेच राहिल्यानंतर सकाळी तिला पैशाचे अमिष दाखवत वेगवेगळ्या पुरुषांसोबत शरीरसंबंध ठेवण्यास सांगितले. प्रतीव्यक्तीप्रमाणे या मुलीला पाचशे रुपये देण्यात आले. हा प्रकार सतीश पाटील याच्या घरीच सुरू होता, वेगवेगळ्या पुरुषांसोबत ठेवलेल्या शारिरीक संबंधातून ती मलगी गर्भवती राहिली.
दि. ४ सप्टेंबर रोजी या मुलीचे तिच्या आईशी भांडण झाल्याने ती घरातून निघून गेली होती. सुरुवातील भुसावळ व तेथून कोल्हे नगरात पौर्णिमा बंगला येथे ती राहण्यासाठी आली. तिच्या शोधात जिल्हा पेठ पोलिस पौर्णिमा बंगला येथे गेले आणि त्यांनी पीडित मुलीला पोलिस ठाण्यात आणले. अल्पवयीन मुलगी गर्भवती असल्याचे समजताच, या प्रकरणी मुलीने दि. १३ सप्टेंबर रोजी रामानंद नगर पोलिस ठाण्यात फिर्याद दिली. त्यावरून संशयित सतीश पाटील, सरला पाटील व तुकाराम वाडीतील तरुणीविरुद्ध बलात्कार, पोक्सो तसेच पीटा कलम ३, ४, ५ प्रमाणे गुन्हा दाखल करण्यात आला आहे. पुढील तपास सपोनि संदीप पाटील करीत आहेत
