जळगाव मिरर | १६ सप्टेंबर २०२५
घरी कोणीही नसताना शंकर आधार पाटील (वय ४५, रा. रामेश्वर कॉलनी) यांनी राहत्या घरात गळफास घेऊन आत्महत्या केली. ही घटना रविवारी सायंकाळच्या सुमारास रामेश्वर कॉलनीत उघडकीस आली. या प्रकरणी एमआयडीसी पोलिस ठाण्यात आकस्मात मृत्यूची नोंद करण्यात आली आहे.
सविस्तर वृत्त असे कि, शहरातील रामेश्वर कॉलनीत शंकर पाटील हे कुटुंबियांसह वास्तव्यास होते. सेंट्रींगचे काम करुन ते कुटुंबाचा उदनिर्वाह करीत होते. रविवारी संध्याकाळी घरात कोणी नसताना त्यांनी गळफास घेतला. घटनेची माहिती मिळताच, कुटुंबीय आणि परिसरातील नागरिकांनी त्यांना शासकीय वैद्यकीय महाविद्यालय व रुग्णालयात दाखल केले असता डॉक्टरांनी मयत घोषित केले. यावेळी त्यांच्या कुटुंबियांनी जिल्हा रुग्णालयात एकच आक्रोश केला. त्यांच्या पश्चात पत्नी व मुलगा असा परिवार आहे. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे. तपास पोहेकॉ गणेश वंजारी करीत आहेत
