जळगाव मिरर । २१ सप्टेंबर २०२५
भडगाव तालुक्यातील कजगाव येथुन जवळच असलेल्या खाजोळे येथील आबा शिवाजी पिंगळे (वय ३५) हा तरुण कामावरून घरी जात असताना पाय घसरून नदीत पडल्याने पाण्याच्या प्रवाहात वाहत बुडाल्याने त्यांचा दुर्दैवी मृत्यू झाला. एकुलत्या एक मुलाचा दुर्दैवी घटनेत मृत्यू झाल्यामुळे गावात हळहळ व्यक्त होत आहे.
सविस्तर वृत्त असे कि, पाचोरा तालुक्यातील खाजोळे येथील आबा शिवाजी पिंगळे (वय ३५) हा गरीब कुटुंबातील एकुलता एक तरुण मुलगा मोल मजुरी करत परिवाराचा उदरनिर्वाह करत होता. दरम्यान, आबा पिंगळे हे १८ रोजी सायंकाळी मोल-मजुरी करून घरी परतत येत होती. या वेळी रस्त्यावरील नदीत पाय घसरून ते नदीच्या पाण्याच्या पडले, तर पाण्याचा अंदाज न आल्याने ते नदीच्या पाण्याच्या प्रवाहात वाहत गेले. यातच ते पाण्यात बुडाले.
दरम्यान, तब्बल २४ तासापर्यंत पट्टीच्या पोहणाऱ्या तरुणांनी त्यांचा शोध घेण्याचा प्रयत्न केला. शेवटी २४ तासानंतर आबा पिंगळे यांचा मृतदेह मृतावस्थेत आढळून आला. या दुर्दैवी घटनेमुळे खाजोळे गावात हळहळ व्यक्त होत आहे. मयत आबा पिंगळे यांच्या पश्यात आई, वडील, पत्नी, मुलगा असा परिवार आहे. या दुर्दैवी घटनेत एकुलत्या एक मुलाचा मृत्यू झाल्याने खाजोळेसह परिसरात शोककळा पसरली आहे.
