जळगाव मिरर | १० फेब्रुवारी २०२६
अशोक भाऊ जैन यांचा वाढदिवस हा केवळ एक औपचारिक सोहळा नसून, समाजासाठी सतत झटणाऱ्या एका दानशूर व्यक्तिमत्त्वाचा गौरव दिन असल्याची भावना यावेळी व्यक्त करण्यात आली. अशोक भाऊ जैन यांच्या वाढदिवसानिमित्त बबन भाई बाहेती प्रतिष्ठान व श्याम भाऊ कोगटा यांच्या संयुक्त विद्यमाने शालेय विद्यार्थ्यांना साडेचारशे विद्यार्थ्यांना वह्या पुस्तकांचे मोफत वाटप करण्यात आले.
या प्रसंगी बोलताना श्याम भाऊ कोगटा यांनी अशोक भाऊ जैन यांच्याशी असलेले आपुलकीचे नाते उलगडत त्यांच्या सामाजिक बांधिलकीचा गौरव केला. “अशोक भाऊ म्हणजे केवळ नाव नाही, तर समाजासाठी जगणारी भावना आहे. शिक्षण, आरोग्य व गरजूंसाठी मदतीचा हात पुढे करणारे अशोक भाऊ हे आमच्यासाठी मार्गदर्शकच आहेत,” अशा शब्दांत श्याम भाऊंनी आपल्या भावना व्यक्त केल्या.
या कार्यक्रमाला शिवसेना विधानसभा क्षेत्र प्रमुख शाम कोगटा शिवसेना जिल्हाप्रमुख विष्णू भंगाळे, शिवसेना महानगर प्रमुख संतोष पाटील, युवा सेना जिल्हाप्रमुख रोहित कोगटा, जळगाव महानगरपालिकेचे उपमहापौर मनोज चौधरी,गणेश सोनवणे नगरसेवक पियुष कोल्हे,नगरसेवक गौरव सोनवणे शिवसेना वैद्यकीय मदत कक्ष उत्तर महाराष्ट्र सचिव जितेंद्र गवळी, सोशल मीडिया उपजिल्हाप्रमुख सोनू तायडे, युवा सेना उपमहानगर प्रमुख विशाल निकम, शिवसेना वैद्यकीय मदत कक्ष महानगर प्रमुख दीपक पाटील यांच्यासह अनेक पदाधिकारी व कार्यकर्ते उपस्थित होते.
शिक्षणरूपी पुस्तकांच्या माध्यमातून विद्यार्थ्यांच्या चेहऱ्यावर उमटलेले समाधान आणि आनंद हेच अशोक भाऊ जैन यांच्या कार्याची खरी पावती असल्याचे यावेळी उपस्थितांनी सांगितले. समाजासाठी झटणाऱ्या अशोक भाऊ जैन यांना उदंड आयुष्य लाभो, अशी सदिच्छा सर्वांनी व्यक्त केली.
