जळगाव मिरर | १६ एप्रिल २०२६
ओढणीने हातपाय बांधून सतरा वर्षीय अल्पवयीन मुलीवर तेजस गजानन हिरे या तरुणाने अत्याचार केल्याची धक्कादायक घटना उघडकीस आली आहे. ही घटना दि. १४ एप्रिल रोजी धरणगाव तालुक्यातील एका गावात घडली. तसेच पीडितेच्या आईला जीवेठार मारण्याची धमकी दिली. याप्रकरणी एमआयडीसी पोलीस ठाण्यात गुन्हा दाखल करण्यात आला असून, पोलिसांनी संशयित तेजस हिरे याला अटक केली आहे.
मिळालेल्या माहितीनुसार, शहरातील एमआयडीसी पोलीस स्टेशनच्या हद्दीत राहणारी एक १७ वर्षीय मुलगी कुटुंबियांसह वास्तव्यास आहे. संशयित तेजस हिरे या तरुणाने मुलीला दि. १३ एप्रिल रोजी धरणगाव तालुक्यातील एका गावात आपल्या आजीच्या घरी कोणीही नसतांना तेथे घेवून गेला. त्यानंतर त्याने पीडितेचे हात ओढणीने बांधून तिला लाकडी काठीने मारहाण करीत मुलीवर अत्याचार केला. तसेच पीडितेने याबाबत कोणाला काही सांगितल्यास तीला व तिच्या आईला जीवेठार मारण्याची धमकी देखील दिली. या घटनेनंतर घाबरलेल्या पीडितेने धीर एकवटून दि. १४ एप्रिल रोजी एमआयडीसी पोलीस ठाण्यात फिर्याद दिली. पीडितेच्या तक्रारीवरून पोलिसांनी संशयित तेजस गजानन हिरे याच्याविरुद्ध गुन्हा दाखल केला आहे. पोलिसांनी तातडीने संशयित आरोपी तेजस हिरे याला अटक केली आहे. पुढील तपास सहाय्यक पोलीस निरीक्षक माधुरी बोरसे या करत आहेत.
