जळगाव मिरर | २७ एप्रिल २०२६
शहरातील पिंप्राळा भागातील साईबाबा मंदिर, एकदल नगर व अष्टभुजा गेट परिसरात साईबाबा मित्र परिवार आणि श्री ह.भ.प. विनोद महाराज जळगाव व सहकारी यांच्या पुढाकाराने आयोजित सप्ताह भक्तिमय वातावरणात मोठ्या उत्साहात पार पडला.
हा सप्ताह मंगळवार दि. ०७/०४/२०२६ ते मंगळवार दि. १४/०४/२०२६ या कालावधीत आयोजित करण्यात आला होता. या संपूर्ण कालावधीत दररोज सकाळी काकडा आरती, संध्याकाळी हरिपाठ तसेच रात्री ९ ते १० या वेळेत कीर्तनाचे आयोजन करण्यात आले होते. संपूर्ण परिसर भक्तिरसात न्हाऊन निघाला होता.
या सप्ताहाचे आयोजन साईबाबा मित्र परिवार व श्री ह.भ.प. विनोद महाराज आणि त्यांच्या सहकाऱ्यांच्या अथक परिश्रमातून यशस्वीपणे पार पडले. सप्ताहादरम्यान गुरुवार दि. ०९/०४/२०२६ रोजी ह.भ.प. श्री नाना महाराज दोंडाईचेकर यांच्या सुश्राव्य कीर्तनाचा लाभ परिसरातील भाविकांनी मोठ्या संख्येने घेतला.
या प्रसंगी भजनी मंडळ श्री ह.भ.प. विनोद महाराज व सहकारी यांनी उत्कृष्ट गायन सादर केले, तर श्री ह.भ.प. रमेश सुदाम पवार व सहकारी यांनी टाळ वादनासह साथसंगत केली. संपूर्ण सप्ताह भक्तिरस, भजन-कीर्तन आणि धार्मिक वातावरणाने भारलेला होता. या सप्ताहाची सांगता मंगळवार दि. १४/०४/२०१६ रोजी ह.भ.प. समाधानजी महाराज भोजेकर यांच्या काल्याच्या कीर्तनाने अत्यंत भक्तिमय वातावरणात करण्यात आली. कार्यक्रमास भाविकांची मोठ्या संख्येने उपस्थिती लाभली.
