जळगाव मिरर | १८ जुलै २०२६
मध्यप्रदेश, छत्रपती संभाजी नगर, शिरपुर आणि जिल्ह्यातील पारोळा, यावल, चोपडा यासह अनेक ठिकाणाहून दुचाकी चोरी करणाऱ्या करणाऱ्या जियाउलहक अब्दुलहक शेख (वय ३४, रा. आझादनगर, अडावद, ता. चोपडा), उमेश प्रदीप पाटील (चय २२, रा. पिंगळवाडी, ता. अमळनेर, ह.मु. रावपुर, एमआयडीसी) व कैलास वसंतदास मथुरे (वय २८, रा. जुनोने, ता. जामनेर) या तीन चोरट्यांना तांत्रिक विश्लेषणाद्वारे जेरबंद केले. त्यांच्याकडून चोरी केलेल्या ४ लाख ३० हजार रुपये किंमतीच्या ११ दुचाकी हस्तगत केल्या असून ही कामगिरी जिल्हापेठ पोलीस ठाण्याच्या गुन्हे शोध पथकाने केली.
मिळालेल्या माहितीनुसार, शहरातून वाढत्या दुचाकी चोरीच्या घटनांना आळा घालण्याकरीता पोलीस अधीक्षक श्रीकांत धिवरे यांच्या मार्गदर्शनाखाली विशेष मोहीम राचविण्यात येत आहे. या मोहीमेतंर्गत जिल्हापेठ पोलीस ठाण्याच्या हद्दीतून दुचाकी चोरणाऱ्यांचा शोधार्थ पोलीस ठाण्याचे प्रभारी अनिल वाघ यांनी गुन्हे शोध पथकाला रवाना केले होते. या पथकाने तांत्रिक विश्लेषणासह परिसरातील सीसीटीव्ही फुटेजच्या आधारावर जिल्हा रुग्णालयाच्या आवारातून दुचाकी चोरणाऱ्या जिाउलहक अब्दुलहक शेख (वय ३४, रा, अडावद, ता. चोपडा) याच्या मुसक्या आवळल्या. त्याची कसून चौकशी केल्यानंतर त्याने जळगाव, पारोळा, शिरपुर, चोपडा, यावल आणि मध्यप्रदेशातून चोरलेल्या २ लाख २० हजार रुपये किंमतीच्या सात दुचाकी हस्तगत करण्यात आल्या आहेत.
ही कामगिरी पोलीस अधीक्षक श्रीकांत धिवरे, अपर पोलीस अधीक्षक संदीप गावीत, उपविभागीय पोलीस अधिकारी नितीन गणापुरे यांच्या मागदर्शनाखाली जिल्हापेठ पोलीस ठाण्याचे प्रभारी सपोनि अनिल वाघ यांच्या नेतृत्वाखाली गुन्हे शोथ पथकातील सफौ संजय दोरकर, पोहेका महेश महाजन, महेंद्र पाटील, किरण वानखेडे, जितेंद्र सुरवाडे, राजेश पदमर, संतोष सोनवणे, तेजस मराठे, अमित मराठे, प्रशांत सैंदाणे, प्रवीण जाधव, अजय सपकाळे, कमलाकर बडगुजर, नरेंद्र दिवेकर, संजय लाटे, अजय आहिरे यांच्या पथकाने केली
