जळगाव मिरर | २१ जुलै २०२६
गुजरातमधून नागपूरच्या दिशेने जाणारा कंटेनर उलटून त्यातील ज्वलनशील ओएनटी या रसायनाची गळती झाली. या मुळे परिसरात उग्र दर्प पसरून भीती पसरली होती. ही घटना सोमवारी (२० जुलै) संध्याकाळी पाळधी बायपासवर साईबाबा मंदिराजवळ घडली. घटनास्थळी पोलिस, अग्निशमन दलाचे बंब, क्रेन व रुग्णवाहिका पोहचल्या व आवश्यक उपाययोजना करण्यात आल्या. या ठिकाणी खड्डा करून हे रसायन त्यात नष्ट केले.
गुजरातमधून ऑर्थो-नायट्रोटोल्यूईन (ओएनटी) हे द्रव घेऊन एक कंटेनर (क्र. जी.जे. ०६, बीटी ८८४५) नागपूरच्या दिशेने जात होते. त्या वेळी चालकाचे नियंत्रण सुटल्याने ते रस्त्याच्या कडेला उलटले. त्यातील ओएनटी या ज्वलनशील द्रवाची गळती झाली. घटनेची माहिती मिळताच पाळधी दूरक्षेत्राचे प्रभारी भूषण कोते व त्यांचे सहकारी तसेच अग्निशमन दलाचे बंब घटनास्थळी पोहचले. कंटेनर रस्त्याच्या खाली उलटल्याने वाहतूक सुरळीत सुरू होती.
