जळगाव मिरर | ३० ऑगस्ट २०२६
तालुक्यातील चिंचोली गावाजवळ शनिवारी सायंकाळच्या सुमारास शेतात दुचाकीवरुन जात असतांना वळणावर समोरुन येणाऱ्या पाण्याचे टँकरने जोरदार धडक दिली. या अपघातात दुचाकीस्वार पंडीत काशिनाथ घुगे (वय ६०, रा. चिंचोली, ता. जळगाव) यांचा दुर्देवी मृत्यू झाला. याप्रकरणी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, तालुक्यातील चिंचोली गावात राहणारे पंडीत घुगे हे शनिवार दि. २९ रोजी सायंकाळच्या सुमारास दुचाकीने शेतात जाण्यासाठी निघाले. गावाजवळ असलेल्या वळणावर समोरुन येणाऱ्या पाण्याच्या टँकरने त्यांना जोरदार धडक दिली. या अपघातात पंडीत घुगे हे गंभीर जखमी झाल्यामुळे त्यांना ग्रामस्थांनी तात्काळ शासकीय वैद्यकीय महाविद्यालय व रुग्णालयात दाखल केले. याठिकाणी डॉक्टरांनी तपासणी केल्यानंतर पंडीत घुगे यांना मयत घोषीत केले. याप्रकरणी एमआयडीसी पोलीसात अकस्मात मृत्यूची नोंद करण्यात आली आहे.
