जळगाव मिरर | ७ ऑक्टोबर २०२६
शेअर मार्केटमध्ये गुंतवणूक केल्यास त्यातून नफा देण्याचे अमिष दाखवत अॅड, तोषिता ज्ञानेश्वर भिरूड (वय ५३, रा. रामदास कॉलनी) यांची ७ लाख रुपयांमध्ये फसवणूक करण्यात आली. या प्रकरणी गुन्हा दाखल झाल्यानंतर रामानंद नगर पोलिसांनी संशयित अतुल भास्कर पाटील (रा. बांभोरी, ता. धरणगाव) याला अटक केली. त्यांना न्यायालयात हजर केले असता, त्यांना चार दिवसांची पोलीस कोठडी सुनावली.
मिळालेल्या माहितीनुसार, शहरातील रामदास कॉलनी राहणाऱ्या अॅड. तोषिता भिरूड यांच्या परिचयातील प्रीती पाटील यांनी त्यांचा मुलगा अतुल पाटील व सून जयश्री पाटील हे शेअर मार्केटमधून अनेकांना फायदा करून देत असल्याचे सांगितले. तसेच अतुल व जयश्री या दोघांनीही माहिती दिली. त्यानुसार तोषिता भिरूड यांनी दि. ३० एप्रिल रोजी अतुल पाटील यांच्या खात्यावर गुंतवणुकीसाठी १ लाख ५० हजार रुपये पाठविले. त्यावर त्यांना काही दिवस परतावा दिला. त्यामुळे विश्वास निर्माण झाल्याने पुन्हा २ लाख, नंतर वेळोवेळी वेगवेगळी रक्कम दिली. मात्र त्यांना परतावा दिला नाही. तसेच दिलेले धनादेशही बाऊन्स झाले. पैशाचा तगादा लावल्याने त्यांना धमकी देण्यात आली. या प्रकरणी तोषिता भिरूड यांनी रामानंद नगर पोलिस ठाण्यात फिर्याद दिली. त्यावरून अतुल पाटील, जयश्री पाटील, सुरेखा पाटील या तीन जणांविरुद्ध गुन्हा दाखल करण्यात आला आहे.
गुन्हा दाखल झाल्यानंतर रामानंद नगर पोलीस ठाण्याचे सहाय्यक पोलीस निरीक्षक अंकुश वारुंगसे यांनी संशयित अतुल पाटील याला मंगळवार दि. ६ ऑगस्ट रोजी अटक केली. त्याला न्यायालयात हजर केले असता, न्या. निकम यांनी त्याला दि. १० ऑक्टोंबर पर्यंत पोलीस कोठडी सुनावली
