वरणगाव : प्रतिनिधी
राष्ट्रीय महामार्गावरील बोहर्डी गावाजवळील नागराणी पेट्रोल पंपा समोर ट्रक व कारमध्ये झालेल्या अपघातात कारमधील दोघ जागीच ठार झाल्याची घटना रविवारच्या रात्री अकरा वाजेला घडली.
सविस्तर वृत असे की, भुसावळ तालुक्यातील राष्ट्रीय महामार्गावरील बोहर्डी गावाजवळील नागरणी पेट्रोल पंपासमोर मालट्रक क्र जी.जे.१३ ए .टी८५४३ हि गाडी विरूद्ध दिशेने येत असताना व वरणगाव कडून मुक्ताईनगर कडे जाणारी चारचाकी कार क्र एम एच ४६ ए एल ६९४o याच्यात समोरा समोर धडक झाल्याने कार मधील विशाल शिवाजी मोरे ( २६ )व प्रतिमा रामप्रसाद पवार (३५ ) दोघे रा चिखली जि बुलढाणा हे गंभीर जखमी झाल्याने त्यांना तात्काळ जळगाव येथील सामान्य रुग्णालयात उपचारासाठी दाखल करण्यात आले होते. मात्र तोवर त्यांचा मृत्यू झाला होता तर त्याच्या सोबत असलेला जखमी झाले असुन त्याच्यावर रुग्णालयात उपचार सुरू आहेत. या बाबत वरणगाव पोलीस स्टेशनला अपघातचा गुन्हा नोंद करण्याचे काम सुरु होते.
