भुसावळ : प्रतिनिधी
तालुक्यातील टाहकळी येथील १७ वर्षीय युवतीने आपल्या राहत्या घरात गळफास लावून आत्महत्या केल्याची घटना दि ९ रोजी संध्याकाळी उघडकीस आली आहे. याबाबत वरणगाव पोलीस स्टेशनला अकस्मत मृत्यूची नोंद करण्यात आली आहे. हि युवती रक्षाबंधनासाठी घरी आली होती.
मिळालेल्या माहितीनुसार तालुक्यातील टाहकळी येथील युवती सानिका उर्फ चांदणी योगेश चौधरी ( वय १७ ) हि जळगाव येथे शिक्षण घेत होती. मात्र रक्षा बंधन सणानिमिताने गावी आली होती. दि ९ मंगळवार रोजी संध्याकळच्या सुमारास घरातील आई वडील हे स्वाध्यय या कार्यक्रमाला गेले असल्याने चांदणी घरात एकटीच होती तीने घरातील बेडरूम मधील खोलीतील छताच्या हुकाला दोरीच्या सहाय्याने गळफास लावून आत्महत्या केल्याचे संध्याकाळच्या सुमारास उघडकीस आले. या बाबत अमोल अशोक चौधरी यांच्या खबरीनुसार वरणगाव पोलीस स्टेशनला अकस्मत मृत्यूची नोंद करण्यात आली असून घटनेचा तपास सह फैजदार नरसिंग चव्हाण हे करीत आहे .
