जळगाव : प्रतिनिधी
मनुदेवी हौसिंग सोसायटी मध्ये सुकृती अपार्टमेंटचे सांडपाणी सोडल्याने दोन दिवसाआधी झालेल्या पावसामुळे दूषित पाणी नागरिकांच्या घरात घुसले होते, त्या अनुषंगाने नागरिकांनी आ.राजू मामा भोळे,नगरसेवक डॉ.चंद्रशेखर पाटील यांच्याकडे समस्या मांडल्या होत्या.
त्यानुसार मनपा आयुक्त डॉ .विद्या गायकवाड यांच्या कार्यालयात बैठक घेऊन मनुदेवी सोसायटी व बिबा नगर समस्या मांडण्यात आली. त्या अनुषंगाने आयुक्त डॉ .विद्या गायकवाड यांनी या परिसराला भेट देत समस्याची नगरसेवक डॉ.चंद्रशेखर पाटील नागरिकांसमवेत पाहणी केली .व सुकृती अपार्टमेंट चे सांडपाणी दुसरीकडे वाळविण्यासंदर्भात अधिकाऱ्यांना सूचना केल्या .व समस्या तात्काळ सोडविण्याचे आदेश दिले .या वेळी नगरसेवक डॉ .चंद्रशेखर पाटील,श्री .जावळे साहेब ,सां.बां विभागाचे कार्यकारी अभियंता श्री .राऊत , शाखा अभियंता श्री.प्रकाश पाटील, दिव्यजीवन संस्थेचे अध्यक्ष पितांबर कोळी व परिसरातील नागरिक ,महिला उपस्थित होते .
