अमळनेर : प्रतिनिधी
किराणा दुकाणावर मच्छर अगरबत्ती घेण्यास गेलेल्या अल्पवयीन मुलीचा विनयभंग केल्याची धक्कादायक घटना उघडकीस आली आहे. याप्रकरणी चौघांविरुद्ध अमळनेर पोलिसात गुन्हा दाखल करण्यात आला आहे.
सविस्तर वृत्त असे की, पिडीत मुलीच्या आईने दिलेल्या फिर्यादीत म्हटले आहे की, दि. १९ सप्टेंबर रोजी साडेदहा वाजेच्या सुमारास पिडीता गल्लीतील शोहेब शेख रफिक याच्या के. जी. एन. नावाच्या किराणा दुकाणावर मच्छर अगरबत्ती घेण्यास गेली होती. यावेळी त्याने पिडीतेचा वाईट उद्देशाने हात धरुन मेरा फोन नंबर ले आपण दोन्हो फोन पे बात करेंगे, असे बोलून तिच्या मनास लज्जा उत्पन्न होईल असे कृत्य केले. याबाबत पिडीतेची विचारण्यास गेली असता तेथे हजर असलेले शोहेब शेख रफिक, फारुख शेख अनवर, शेख फिरोज शेख अनवर आणि राजा शेख फारुख यांनी शिवीगाळ करुन पिडीत मुलीची बदनामी करण्याची धमकी दिल्याचे फिर्यादीत म्हटले आहे. याप्रकरणी चौघांविरुद्ध गुन्हा दाखल करण्यात आला असून पुढील तपास उप.नि. विकास शिरुळे हे करीत आहेत.
