जळगाव मिरर | ७ ऑक्टोबर २०२४
आपल्या पत्नीसोबत पांडुरंग नगरातील एका डॉक्टरचे अनैतिक संबंध असल्याच्या संशयावरून या डॉक्टरला संबंधित महिलेच्या पतीसह चार जणांनी बेदम मारहाण केली. ही घटना दि. ४ ऑक्टोबर रोजी रात्री पांडुरंग नगरात घडली. या प्रकरणी रामांनद नगर पोलिस ठाण्यात चार जणांविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील पांडुरंग नगरातील २९ वर्षीय डॉक्टरचे आपल्या पत्नीशी अनैतिक संबंध असल्याचा संशय एका जणाला आला. त्यातून त्याच्यासह अन्य तीन जणांनी शुक्रवार दि. ४ ऑक्टोबर रोजी रात्री डॉक्टरच्या घराजवळ जावून त्यांना लोखंडी रॉड व फायटरने मारहाण केली. या प्रकरणी संबंधित डॉक्टरांनी रामानंद नगर पोलिस ठाण्यात फिर्याद दिली. त्यावरून शनिवार दि. ५ ऑक्टोबर रोजी मारहाण करणाऱ्यांविरुद्ध गुन्हा दाखल करण्यात आला. पुढील तपास पोहेकॉ भूषण जैतकर करीत आहेत.
