जळगाव मिरर | २९ ऑगस्ट २०२५
मंदिरातून घरी जात असलेल्या शारदा अर्जुनराव जाधव (वय ७६, रा. सुखदा मयुरेश्वर कॉलनी) यांच्या गळ्यातून अडीच तोळे वजनाची मंगलपोल दुचाकीवरुन आलेल्या दोघ चोरट्यांनी चोरुन नेली. ही घटना दि. २६ रोजी रात्री सात वाजता टिळक नगरातील प्रतीक क्लासेसच्या समोरील गल्लीत घडली. याप्रकरणी तालुका पोलिसात गुन्हा दाखल करण्यात आला आहे.
शहरातील गुजराल पेट्रोलपंपाच्या मागील बाजूस आलेल्या सुखदा मयुरेश्वर कॉलनीत शारदा जाधव या वृद्ध महिला वास्तव्यास आहे. त्या दि. २६ रोजी सायंकाळी मंदिरात गेल्या होत्या. सात वाजेच्या सुमारास त्या त्यांची मैत्रीण या मंदिरातून घराकडे जाण्यासाठी निघाल्या. टीळक नगरातील प्रतिक क्लासेसच्या समोरील गल्लीतून जात असतांना दोन अज्ञात इसम दुचाकीवरुन त्याठिकाणी आले. त्यांनी रस्त्याने जात असलेल्या वृद्धेच्या गळ्यातील अडीच तोळे सोन्याचे सोनपोत जबरीने चोरुन ते चोरटे पसार झाले. गळ्यातील सोनपोत दुचाकीवरुन आलेल्या चोरट्यांनी ओरबडून चोरुन नेल्याने वृद्ध महिलांनी आरडाओरड केली. मात्र तोपर्यंत चोरटे तेथून पसार झाले होते. दरम्यान, शारदा जाधव यांनी घटनेची माहिती कुटुंबियांना दिली. त्यांनी लागलीच तालुका पोलिसात धाव घेत तक्रार दिली. त्यानुसार अज्ञात चोरट्यांविरुद्ध गुन्हा दाखल केला आहे. तपास सपोनि अनंत अहीरे हे करीत आहे.
