जळगाव मिरर । २२ जानेवारी २०२३ ।
पारोळा रस्त्यावरील एका दुचाकीला मागून दुचाकीने धडक दिल्याने एका ३५ वर्षीय इसमाचा मृत्यू झाल्याची घटना १८ रोजी दुपारी ४ वाजता घडली असून याबाबत अमळनेर पोलिसात गुन्हा दाखल करण्यात आला आहे.
सविस्तर वृत्त असे कि, अमळनेर तालुक्यातील बहादरवाडी येथील रहिवासी असलेल्या दिलीप प्रकाश पाटील हे नातेवाईकाच्या लग्नासाठी पारोळा येथे गेले होते. तिकडून परत येताना बहादरवाडी फाट्याजवळ त्यांच्या दुचाकीला (एमएच१९/ बीएन५७९३) मागून आलेल्या दुचाकीने (एमएच१९ / डीएम६८५१) दुपारी अमळनेर-पारोळा रस्त्यावरील बहादरवाडी फाट्याजवळ जोरदार धडक दिली. यात गंभीर जखमी झालेल्या पाटील यांना धुळे येथे हलवले होते. मात्र दि. १९ रोजी रात्री उपचारादरम्यान ते मयत झाले..
