जळगाव मिरर | १७ ऑगस्ट २०२६
शहरातील चंदू आण्णा नगर परिसरातील रेल्वे रुळावर रविवार दि. १६ ऑगस्ट रोजी दुपारी १२ वाजेच्या सुमारास आजारपणाला कंटाळून धावत्या रेल्वे समोर स्वतःला झोकून देत प्रल्हाद भिमा राठोड (वय ५३, रा. जुनाने, ता. रावेर, ह.मु. द्वारका नगर) या प्रौढाने आत्महत्या केली. याप्रकरणी तालुका पोलीसात अकस्मात मृत्यूची नोंद करण्यात आली आहे.
मिळालेल्या माहितीनुसार, रावेर तालुक्यातील जुनाने येथे राहणारे प्रल्हाद राठोड हे द्वारका नगरात मुलीसह जावाई यांच्याकडे राहत होते. याच ठिकाणी ते गवंडी काम करुन ते स्वतःचा उदनिर्वाह करीत होते. दरम्यान, गेल्या काही दिवसांपासून त्यांना बरे वाटत नसल्याने शनिवार दि. १५ ऑगस्ट रोजी त्यांना जिल्हा रुग्णालयात आणले. परंतू त्यांना याठिकाणी अॅडमीट करावे लागणार असल्याने ते सोमवारी होणार होते. दरम्यान, रविवारी सकाळच्या सुमारास प्रल्हार राठोड हे सकाळच्या सुमारास घरातून बाहेर पडले. त्यानंतर त्यांनी चंदू आण्णा नगर परिसरातील जळगाव ते पाळधी डाऊन रेल्वे लाईनवर धावत्या रेल्वेसमोर स्वतःला झोकून देत जीवनयात्रा संपविली.
ही घटना त्या परिसरात बकऱ्या चारणाऱ्याच्या लक्षात येताच त्यांनी घटनेची माहिती परिसरातील नागरिकांनी दिली. दरम्यान, त्या परिसरात काम करणाऱ्यांनी प्रल्हाद राठोड यांची ओळख पटवली. त्यानंतर तालुका पोलीस ठाण्याचे कर्मचारी धनराज पाटील हे देखील घटनास्थळी आले. त्यांनी पंचनामा करुन मृतदेह शासकीय रुग्णालयात दाखल केला. याठिकाणी डॉक्टरांनी मयत घोषीत केले. त्यांच्या पश्चात मुलगा, दोन मुली असा परिवार आहे.
