जळगाव मिरर / २२ एप्रिल २०२३ ।
मुंबईत एका अभिनेत्री-कास्टिंग डायरेक्टरला गेल्या काही दिवसांपुर्वी सेक्स रॅकेट चालवल्याप्रकरणी अटक करण्यात आली होती. आता आणखी एका अभिनेत्रीला सेक्स रॅकेट चालवल्याप्रकरणी अटक करण्यात आली आहे.
पोलिसांनी दिलेल्या माहितीनुसार, २४ वर्षीय भोजपुरी अभिनेत्री सुमन कुमारीला मुंबई पोलिसांनी शुक्रवारी रात्री २१ एप्रिल रोजी अटक केली आहे. तिच्यावर मुलींना वेश्याव्यवसायात ढकलल्याचा आरोप करण्यात आला आहे. एका पोलिस अधिकाऱ्याला वेश्याव्यवसायाची माहिती मिळाली होती. यानंतर सापळा रचत कारवाई करून गोरेगाव येथील रॉयल पाम हॉटेलवर छापा टाकण्यात आला, जिथे ही अभिनेत्री वेश्याव्यवसायासाठी अनेक मॉडेल्सचा पुरवठा करत होती. भोजपुरी अभिनेत्री सुमन कुमारी ही मुंबईत सिनेमात करिअर करायला आलेल्या मॉडेल्सला हेरायची आणि या मॉडेल्सच्या मजबुरीचा फायदा घेत त्यांना वेश्या व्यवसायात ढकलायची. या कारवाईत पोलिसांनी तीन मॉडेल्सचीही सुटका केली आहे. सध्या पुढील तपास सुरू आहे.
