जळगाव मिरर | २३ एप्रिल २०२५
सार्वजनिक ठिकाणी टपरीच्या बाजूला लघुशंका केल्याच्या रागातून निखिल धनराज अहिरे (वय २१, रा. मन्यारखेडा, ता. जळगाव) या रिक्षाचालकावर चॉपरसारख्या शस्त्राने वार केला. ही घटना २० एप्रिल रोजी मन्यारखेडा फाट्याजवळ घडली. जखमी तरुणावर शासकीय वैद्यकीय रुग्णालयात उपचार करण्यात आले. या प्रकरणी २१ रोजी नशिराबाद पोलिस ठाण्यात दोघांविरुद्ध गुन्हा दाखल करण्यात आला आहे.
सविस्तर वृत्त असे कि, मन्यारखेडा येथील निखिल अहिरे हे रिक्षाचालक असून मन्यारखेडा फाट्याजवळ एका टपरीच्या बाजूला ते लघुशंका करीत होते. त्यातून वाद होऊन टपरीचालकासह एकाने शिवीगाळ करीत मारहाण केली. दोघांनी निखिल यांच्या पोटात चॉपरसारख्या धारदार शस्त्राने वार करीत गंभीर जखमी केले. यामध्ये तरुण गंभीर जखमी झाला. त्यांच्यावर शासकीय वैद्यकीय महाविद्यालय रुग्णालयातील व अतिदक्षता विभागात उपचार करण्यात आले. याप्रकरणी अहिरे यांच्या फिर्यादीवरून नशिराबाद पोलिस ठाण्यात दोघांविरुद्ध गुन्हा दाखल करण्यात आला आहे.
