जळगाव मिरर | ३१ ऑक्टोबर २०२३ | जळगाव शहरात एका परिसरात मद्यधुंद अवस्थेत गावठी कट्टा घेऊन फिरणारा संशयित मद्यपीला पोलिसांनी बेड्या ठोकल्या आहे. या प्रकरणी या प्रकरणी शहर पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, शिवाजीनगर हुडको परिसरात यशवंत नामदेव पाटील (वय ४७)हा गावठी कट्टा घेऊन फिरत असल्याची गोपनीय माहिती रविवारी दि. २९ ऑक्टोबर रोजी शहर पोलीस ठाण्याचे पोलीस निरीक्षक अनिल भवारी यांना मिळाली. त्यावरून त्यांनी कारवाईच्या सूचना दिल्या. त्यानुसार पोलीस हवालदार उमेश भांडारकर, तेजस मराठे, योगेश इंधाटे, अमोल ठाकूर यांचे पथक घटनास्थळी दाखल झाले. यावेळी संशयित यशवंत पाटील हा या नशेत गावठी कट्टा घेऊन फिरत असल्याचे आढळून आले. त्याची अंगझडती घेतली असता त्याच्याकडे दोन जीवंत काडतूसदेखील सापडले. त्यामुळे पोलिसांमनी कट्टा व काडतूसे जप्त करून या पाटील याला अटक केली. या प्रकरणी पोलीस हवालदार योगेश इंधाटे यांनी शहर पोलीस ठाण्यात फिर्याद दिली. त्यावरून गुन्हा दाखल करण्यात आला. पुढील तपास पोलीस हवालदार उमेश भांडारकर करीत आहेत.