जळगाव मिरर | १ जानेवारी २०२५
शहरातील ला.ना. शाळेच्या जवळील एसबीआय बँकेजवळ काहीही कारण नसतांना एका १६ वर्षीय मुलाला जैनाबाद येथील दोन अनोळखी मुलांनी शिवीगाळ करत लाथाबुक्क्यांनी बेदम मारहाण करून धारदार वस्तूने वार करत गंभीर जखमी झाल्याची घटना सोमवारी दि. ३० डिसेंबर रोजी दुपारी सव्वा तीन वाजेच्या सुमारास घडली आहे. याप्रकरणी रात्री जिल्हापेठ पोलीस ठाण्यात अज्ञात दोन जणांविरोधात गुन्हा दाखल करण्यात आला आहे.
मिळालेली माहितीनुसार, शहरातील कांचन नगरात राहणारा ललीत भरत सावळे (वय १६) हा मुलगा आपल्या परिवारासह वास्तव्याला आहे. दरम्यान, सोमवारी ३० डिसेंबर रोजी दुपारी सव्वा तीन वाजेच्या सुमारास ललीत हा शहरातील ला.ना.शाळेजवळील एसबीआय बँकेजवळ उभा असतांना जैनाबाद येथे राहणाऱ्या दोन अनोळखी मुलांनी त्याला काहीही कारण नसतांना शिवीगाळ करत मारहाण केली. तसेच धारदार वस्तूने वार करून डोक्याला दुखापत केली आहे. याप्रकरणी रात्री जिल्हापेठ पोलीस ठाण्यात फिर्याद दिली. त्याने दिलेल्या तक्रारीवरून जिल्हापेठ पोलीस ठाण्यात जैनाबाद येथील दोन अनोळखी व्यक्तींविरोधात गुन्हा दाखल करण्यात आला आहे. पुढील तपास पोलीस नाईक संतोष सोनवणे हे करीत आहेत.
