जळगाव मिरर | ८ जुलै २०२३
केरळमधील अलप्पुझा येथे दूषित पाण्याती फ्री लिव्हिंग अमिबामुळे 15 वर्षांच्या मुलाचा मृत्यू झाला. गुरुदत्त नावाचा हा मुलगा दहावीचा विद्यार्थी होता. त्याला प्रायमरी अमीबिक मेनिंगोएन्सेफलायटीस संसर्ग झाला होता. त्यामुळे गुरुदत्तला ताप आणि झटके येत होते. तपासणीत संसर्ग झाल्याचे आढळून आले.
राज्याच्या आरोग्य मंत्री वीणा जॉर्ज यांनी शुक्रवारी मुलाच्या मृत्यूची माहिती दिली. यासोबतच लोकांनी दूषित पाण्याने अंघोळ करणे टाळावे, असा इशारा देण्यात आला आहे, कारण हा अमिबा नाकातून शरीरात प्रवेश करतो. गुरुदत्तला 1 जुलैपासून अलप्पुझा मेडिकल कॉलेज रुग्णालयात दाखल करण्यात आले होते. पनावली येथील झर्‍याखाली अंघोळ केल्यावर त्याला संसर्ग झाल्याचे नंतर कळले.
आरोग्य मंत्री वीणा जॉर्ज यांनी सांगितले की, अमिबा साचलेल्या पाण्यात राहतो आणि नाकाच्या पातळ त्वचेतून आत प्रवेश करतो. हा संसर्गजन्य आजार नाही. हे फार क्वचितच घडते, घाबरण्याची गरज नाही. यापूर्वी अशी 5 प्रकरणे समोर आली होती.
2016 मध्ये पहिले प्रकरण समोर आले होते. यानंतर 2019, 2020 आणि 2022 मध्ये प्रत्येकी एक केस आढळून आली. ताप, डोकेदुखी, उलट्या आणि चक्कर येणे ही या आजाराची लक्षणे आहेत. मात्र, सर्व बाधित रुग्णांचा मृत्यू झाला होता. यूएस सेंटर्स फॉर डिसीज कंट्रोलच्या मते, पीएएम हा मेंदूचा संसर्ग आहे जो अमिबा किंवा नेग्लेरिया फॉवलेरी नावाच्या सिंगल-सेल ऑर्गेनिझममुळे होतो. हा अमिबा माती आणि उबदार गोड्या पाण्यात राहतो, जसे की तलाव, नद्या आणि गरम पाण्याचे झरे. याला सामान्यतः ‘ब्रेन इटिंग अमिबा’ असे म्हणतात कारण जेव्हा अमिबा असलेले पाणी नाकात जाते तेव्हा ते मेंदूला संक्रमित करते. मात्र, दूषित पाणी प्यायल्याने संसर्ग होत नाही. अमेरिकेत दरवर्षी तीन जणांना याची लागण होते
