चाळीसगाव : कल्पेश महाले
जळगाव जिल्ह्यात पुन्हा एकदा एसीबीच्या पथकाने कारवाई करत तहसील कार्यालयात असलेल्या लिपिकास अडीच हजाराची लाच ताब्यात घेतल्याने शासकीय कार्यालयात खळबळ उडाली आहे.
मिळालेल्या माहितीनुसार, यातील तक्रारदार याने दिलेल्या तक्रारीत म्हटले आहे कि, तक्रारदार यांचे पक्षकारांविरुद्ध दाखल गुन्ह्या मध्ये मेहुनबारे पोलीस स्टेशन कडून प्रतिबंधक कारवाईचा प्रस्ताव तहसीलदार तथा कार्यकारी दंडाधिकारी चाळीसगाव यांच्याकडे सादर करण्यात आला होता. सदर प्रतिबंधक कारवाईचे प्रकरण दाखल करून त्यामधील आरोपी यांना पुढील तारीख न देता जामिनावर मुक्त करण्याकरिता मदत करण्यासाठी यातील दीपक बाबूराव जोंधळे , वय- 47 फौजदारी लिपिक (दंडप्र) तहसील कार्यालय, चाळीसगाव जि. जळगाव, यांनी 2500/- रुपयाची लाचेची मागणी करून सदर रक्कम ही पंचांसमक्ष स्विकारली आहे. जोंधळे यांचे विरुद्ध चाळीसगाव शहर पोलीस स्टेशन येथे गुन्हा दाखल करण्याचे काम उशिरापर्यंत सुरु होते. आहे. हि कारवाई धुळे अँटीकरप्शन विभागाचे पोलीस उपअधीक्षक अभिषेक पाटील यांच्यासह पो. हवा. राजन कदम, शरद काटके, पो. शि. संतोष पावरा, गायत्री पाटील, मकरंद पाटील, चालक पोवीस हवालदार सुधीर मोरे आदींच्या पथकाने केली .
