जळगाव मिरर | २० मे २०२५
जळगाव शहरासह ग्रामीण भागात अनेक ठिकाणी बांधकाम कामगार मोठ्या प्रमाणात आहे मात्र बांधकाम कामगार भांडी योजना या शासकीय योजनेत अनेक दलालांची एंट्री झाल्याने मूळ बांधकाम कामगार या योजनेपासून दूर आहे मात्र ज्या परिवाराला या योजनेची गरज नाही ते परिवार देखील या योजनेचा लाभ घेत आहे. यामुळे या विभागातील दलाली मोठ्या प्रमाणात फोफावत आहे.
महाराष्ट्र इमारत व इतर बांधकाम कामगार कल्याण मंडळद्वारे बांधकाम कामगार भांडी योजना राबविण्यात येत असून या योजनेअंतर्गत, पात्र बांधकाम कामगारांना घरेलू भांडी सेट मोफत दिला जात असतो. यात 30 वस्तूंचा हा सेट असून कामगारांना स्वतःचे स्वयंपाक घर बनवण्यासाठी उपयुक्त ठरत असतो मात्र या योजनेच्या नावाखाली जळगाव शहरासह ग्रामीण भागात या योजनेवर गरजू कामगारांना योजनेचा लाभ न मिळता अनेक नागरिक या योजनेचा लाभ घेत असल्यावर देखील जळगाव सहाय्यक कामगार आयुक्त यावर कुठलीही कारवाई करीत नसल्याने या योजनेचा चांगलाच फज्जा उडाला आहे.
२ हजारात सर्व सामान्य होवू लागले ‘बांधकाम कामगार’ !
जळगाव शहरातील अनेक परिसरात बांधकाम कामगारचे कार्ड बनवून देण्यासाठी अनेक दलाल सक्रीय झाले आहे. या दलालाकडून २ हजार रुपये घेवून सर्व सामान्य व्यक्तीला देखील बांधकाम कामगारचे कार्ड बनवून देण्यात येत आहे. त्यामुळे शासकीय योजनेचे चांगलेच बारा वाजले आहे. हे दलाल कागदपत्र बनवून कामगार कार्यालयातून मजूर करून देखील आणत असून ज्या लोकांना या योजनेची गरज नाही ते देखील व्यक्ती आज २ हजारात बांधकाम कामगार होवून शासकीय योजनेचा चांगला लाभ घेत आहे मात्र यामुळे मूळ बांधकाम कामगार या योजनेपासून दूर रहात आहे.
