जळगाव मिरर | १७ फेब्रुवारी २०२६
शहरापासून नजीक असलेल्या गुलाबराव देवकर बी फार्मसी कॉलेजच्या दुसऱ्या वर्षाला शिकत असलेल्या विद्यार्थ्याने रविवारी सायंकाळी नेहरूनगरातील रूमवर गळफास घेऊन आत्महत्या केली. श्याम प्रभाकर पाटील (१९, रा. बोदवड) असे या विद्यार्थ्याचे नाव असून त्याच्या खिशात झालेल्या प्रकाराची सुसाइड नोट मिळून आली. त्यातून प्राचार्यांच्या मारहाणीमुळे आत्महत्या केल्याचे समोर येत आहे. याप्रकरणी प्राचार्य योगेश पवार यांच्याविरुद्ध सोमवारी रामानंदनगर पोलिस ठाण्यात गुन्हा दाखल झाला आहे. दरम्यान, प्राचार्य गायब झाले.
मिळालेल्या माहितीनुसार, प्रभाकर पाटील (रा. मोताळा, बुलडाणा, मूळचा राहणार बोदवड, जि. जळगाव) यांना राम व श्याम ही दोन जुळी मुले. राम हा बोदवड येथे शेती व बीएस्सीचे शिक्षण घेतो, तर श्याम जळगावातील शिरसोली रस्त्यावर असलेल्या गुलाबराव देवकर कॉलेज ऑफ फार्मसी येथील फार्मसीचे द्वितीय वर्षात शिक्षण घेत होता. तो नेहरूनगरात रूम करून राहत होता. शनिवारी (१४ रोजी) त्याचे कॉलेजमधील एका मुलासोबत भांडण झाले. त्याबाबत प्राचार्य योगेश पवार यांच्याकडे जाऊन सांगितल्यावर प्राचार्य पवार यांनी श्याम या एकट्याला पीव्हीसी पाइपने मारहाण केली.
सुसाईट नोटमध्ये काय आहे मजकूर ?
माझी काही चूक नव्हती पापा, याच्यामध्ये या वेळेस. मला आधी काही माहिती पण नव्हती. फक्त माझ्या मित्रांचे भांडण चालू होते. त्यात मी पडलो आणि त्याच्यानंतर त्या एका मुलाने माझी कॉलर पकडली आणि मग मी त्याला एकच कानाखाली मारली. तो मुलगा घेऊन आलेला होता बाहेर आणि मला भांडण करायचे नव्हते. त्यासाठी मी प्रिन्सिपल सरांकडे गेलो होतो आणि सरांना मी हे सांगितल्यानंतर मला खूप मारले. गुरु मारतात पण पूर्ण टीचर्स स्टाफ समोर ऐवढे मारले मला आणि तो मुलगा मुले घेऊन आलेला होता त्याला काहीच मारले नाही. एवढे ही रिअॅलिटी आहे आणि मला फक्त माझी इमेज इंम्पार्टंट होती. अगोदर पण माझी चुकी नव्हती तरी पण काही मुलांनी मिळून मला मारले आणि ते झाल्यानंतर मी प्रिन्सिपल सरांना सांगितले तर तेव्हा सरांनी का बर नाही मारले मग त्या मुलांना?. तेव्हा कुठे गेली होती सरांची डेअरिंग? आणि त्या सरांनी मला शिव्या पण दिल्या हे माझ्या कडून सहन नाही होत आहे आता. मी गेल्यानंतर सीसीटीव्ही चेक करून बघा किती मारले होते प्रिन्सिपल सरांनी मला. सॉरी पापा-मम्मी, रामू, सिडू त्यांना त्यांना मी दुखवलं असेल त्यांना पण सॉरी मी प्रत्येक वेळेस सर्व ठीक करायचा ट्राय केला बट सगळं माझ्यावरतीच उलट येऊन पडले, सॉरी हा आणि रामू मी गेल्या नंतर ही स्टोरी टाक जो माझ्या इन्स्टांवरती. परत सॉरी सगळ्यांनाच.
