जळगाव मिरर / ५ मार्च २०२३
राज्यात उन्हाळा सुरु झाला असून अनेकांनी यंदाच्या उन्हाळयात थंड हवेच्या ठिकाणी जाण्याचा बेत आखला असेल जर तुम्ही नियोजन करत असाल तर हि बातमी तुमच्यासाठी महत्वाची ठरणार आहे. राज्यात फेब्रुवारीपासून ते मे महिन्यापर्यत अधिक प्रमाणात उन असते. या उन्हापासून बचाव करण्यासाठी अनेक लोक थंड हवेच्या ठिकाणी जाणे पसंद करीत असता. यासाठीच भारतीय रेल्वे नेहमी ग्राहकांना विविध पॅकेज देत प्रवास कमी दरात मिळवून देत असते. असाच एक पॅकेज भारतीय रेल्वेने करून दिला आहे.
IRCTC ने चंदीगड, शिमला आणि कुफरीसाठी बजेट टूर पॅकेजेस सादर केले आहेत. या टूर पॅकेजद्वारे तुम्ही या ठिकाणांना भेट देऊ शकता आणि उन्हाळ्यात येथे फिरू शकता. महत्त्वाचे म्हणजे, IRCTC पर्यटनाला चालना देण्यासाठी आणि प्रवाशांच्या सोयीसाठी विविध टूर पॅकेजेस ऑफर करत असते.या टूर पॅकेजेसद्वारे प्रवासी देशभरातील विविध ठिकाणांना सोयीनुसार आणि स्वस्तात भेट देतात. आता IRCTC ने उन्हाळ्यासाठी चंदीगड, शिमला आणि कुफरी टूर पॅकेज सादर केले आहेत. या टूर पॅकेजबद्दल सविस्तर जाणून घेऊया.IRCTC चं स्वस्त तिकीट खरेदी करायचंय? फॉलो करा ‘ही’ ट्रिक, मिळेल 5% सूट!
हे टूर पॅकेज कधी सुरू होत आहे? : इंडियन रेल्वे केटरिंग अँड टुरिझम कॉर्पोरेशन (IRCTC) ने पाच रात्र आणि 6 दिवसांचे टूर पॅकेज आणलेय. हे टूर पॅकेज एप्रिलपासून दर शुक्रवारी सुरू होईल. टूर पॅकेज 15 एप्रिलपासून दर शुक्रवारी सुरू होईल आणि 14 जुलै रोजी संपेल. हे टूर पॅकेज लखनऊपासून सुरू होईल आणि लखनऊमध्येच संपेल.
या टूर पॅकेजच्या माध्यमातून प्रवाशांना चंदीगड, शिमला आणि कुफरी या पर्यटनस्थळी नेण्यात येणार आहे. या टूर पॅकेजमध्ये प्रवाशांना चंदीगडमधील रोझ गार्डन, रॉक गार्डन, सुखना तलाव आणि मनसा देवी मंदिराला भेट देण्यासाठी नेले जाईल. शिमल्यात पिंजोर गार्डन आणि मॉल रोडचा फेरफटका मारता येईल. टूर पॅकेजमध्ये प्रवाशांना कुफरीमधील अनेक लोकप्रिय पर्यटन स्थळांना भेट देण्याची संधी मिलेल. या टूर पॅकेजचा प्रवास ट्रेनमधून होणार आहे. यामध्ये प्रवाशांना सिंगल ऑक्युपन्सीसाठी39,225 रुपये मोजावे लागतील. डबल आणि ट्रिपल ऑक्युपेंसीसाठी अनुक्रमे 22,170 रुपये आणि 17,620 रुपये खर्च लागेल. थर्ड एसी क्लासमध्ये प्रवास करणाऱ्यांना सिंगल ऑक्युपन्सीसाठी 38,025 रुपये आणि डबल आणि ट्रिपल ऑक्युपन्सीसाठी अनुक्रमे 20,970 आणि 16,420 रुपये मोजावे लागतील. या टूर पॅकेजबद्दल डिटेल्स जाणून घेण्यासाठी, तुम्ही IRCTC च्या अधिकृत वेबसाइटला भेट देऊ शकता.
