जळगाव मिरर | १ सप्टेंबर २०२३ ।
सोशल मिडीयाच्या माध्यमातून अनेक अल्पवयीन मुल व मुली प्रेमात पडत असतात काहींचे प्रेम सत्यामध्ये उतरत देखील असते तर काहींचे प्रेम अर्ध्यावर असते. अशीच एक घटना जळगाव जिल्ह्यातील मुक्ताईनगर शहरात घडली आहे.
मिळालेल्या माहितीनुसार, मुक्ताईनगर शहरातील एका तरुण गेल्या आठ महिन्यापूर्वी एका अल्पवयीन मुलीच्या प्रेमात पडला, यानंतर तब्बल आठ महिने हे दोन्ही तरुण व तरुणी मोबाईलच्या माध्यमातून नियमित फोनवर बोलत असे. पण या प्रेमाची चाहूल मुलीच्या आई व भावाला लागल्याने अल्पवयीन मुलीने त्या तरुणाशी बोलणे थांबविले. त्यानंतर या तरुणाशी मुलगी बोलत नसल्याने तरुणाने तिचा पाठलाग करून शिट्या मारण्यासह अश्लील हावभाव मुलीशी करीत असे. त्यामुळे मुलीच्या मनास लज्जा उत्त्पन्न होत असे. मुलीला नेहमी रस्त्यावर थांबवून बोलण्याच्या प्रयत्न करीत असे. पण मुलगी त्यांच्याशी बोलत नसल्याने दि.२९ रोजी तरुणाने थेट मुलीच्या आईच्या मोबाईलवर फोन करीत तुमच्या मुलीला माझ्याशी बोलायला लावा, नाही तर मी तिला मारून टाकेल अशी धमकी दिल्याने परिवाराच्या मनात एक दहशत निर्माण झाली त्यानंतर मुलीच्या परिवाराने थेट मुक्ताईनगर पोलिसात धाव घेत त्या तरूणाविरोधात विनयभंग केल्या प्रकरणी गुन्हा दाखल करण्यात आला आहे. पुढील तपास पोलीस उपनिरीक्षक प्रदीप शेवाळे हे करीत आहे.