जळगाव मिरर | ७ मार्च २०२४
जळगाव शहरातील नागेश्वर कॉलनी परिसरात घरात सर्वजण झोपलेले असताना योगेश गोविंद रंधे (वय ४५) यांनी गळफास घेऊन आत्महत्या केली. ही घटना बुधवार, ६ मार्च रोजी सकाळी ६:३० वाजेच्या सुमारास उघडकीस आली. याप्रकरणी रामानंद नगर पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, पाटबंधारे विभागात नोकरीला असलेले योगेश रंधे हे तालुक्यातील नशिराबाद येथील मूळ रहिवासी असून सध्या ते जळगावातील नागेश्वर कॉलनीत पत्नी व दोन मुलांसह राहत होते. घरात सर्व जण झोपलेले असताना रंधे यांनी मध्यरात्री राहत्या घरात गळफास घेतला. ही घटना बुधवार, ६ मार्च रोजी सकाळी ६:३० वाजेच्या सुमारास कुटुंबीयांच्या लक्षात आली. त्यावेळी त्यांना शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी मयत घोषित केले. मयताच्या पश्चात पत्नी, मुलगा, मुलगी आहे.