अमळनेर : विक्की उत्तम जाधव
तालुक्यातील हिंगोणे सिम येथील पोलीस पाटील राजधर रुमाल भिल यांचे दीर्घ आजाराने निधन झाल्याने त्यांच्या कुटुंबीयांना सांत्वन पर निधी मारवड पोलीस पाटील परिवारातर्फे ३१००० रुपये देण्यात आले. त्यांच्या आजारपणात ११ हजार रुपये देण्यात आले होते.
पोलीस पाटील म्हटले की शासनाचा कुठलाही लाभ न भेटणारी मोठेपणाची नोकरी, त्यालाच मानाचे पण असे संबोधले जाते, महाराष्ट्र शासनातील सर्वात दुर्लक्षित घटक असे जरी संबोधले तरी चालेल कारण एखादा पोलीस पाटील सेवेत असतांना मयत झाले तर शासन स्तरावरुन कोणीही अधिकारी किंवा कर्मचारी या गोष्टीचा पाठपुरावा करत नाहीत, एखादे पोलीस पाटील एक्सीडेंटल अथवा अकस्मात काही अपंगत्व आलं तर त्याही गोष्टीत शासन स्तरावरून कुठलीही मदत मिळत नाही, पोलीस पाटल २५ ते ३० वर्ष सेवा बजवुन सेवानिवृत्त झाले त्याही वेळेस कोणत्याही प्रकारचे पत्र शासन स्तरावरून भेटत नाही, अथवा कोणतीही निधी भेटत नाही.
अशा प्रसंगांमध्ये जेव्हा एखादा गरीब कुटुंबातील पोलीस पाटील मयत होतात त्यावेळेस त्यांच्या मदतीसाठी फक्त त्यांचा पोलीस पाटील परिवारच हजर असतो, असाच दुःखद प्रसंग आमच्या मारवड पोलीस स्टेशन हद्दीतील हिंगोणे सिम येथील कर्तव्यदक्ष पोलीस पाटील कै. राजधर रुमाल भिल यांचे दीर्घ आजाराने निधन झाले त्यात त्यांच्या कुटुंबीयांना सांत्वन पर निधी मारवळ पोलीस पाटील परिवारातर्फे ३१०००/- रुपये देण्यात आले, त्यांच्या आजारपणात ११ हजार रुपये देण्यात आले होते,
साधारण दोन-तीन महिन्या अगोदर आमच्यातले हींगोणे बुद्रुक गावाचे पोलीस पाटील कै.नारायण भगिरथ कोळी यांच्या कुटुंबीयांनाही २४०००/- रुपये मदत देण्यात आली होते, ग्राउंड लेवलवर मारवड पोलीस स्टेशन अंतर्गत येणारे पोलीस अधिकारी, कर्मचारी आणि पोलीस पाटील मिळून असे सत्कार्य करत असतात, त्यात आमचे तालुकाध्यक्ष गोविंद शिंदे यांच्यासह पुर्ण टीम सज्ज असते, व मारवळ पोलीस स्टेशन हद्दीतील पोलीस पाटील कोणत्याही सुखदुःखाच्या घटनेत नेहमी योगदान देतात.
