जळगाव मिरर । ६ जानेवारी २०२३
‘विघातक शक्तींना रोखण्यासाठी पत्रकारितेचे महत्त्वपूर्ण योगदान आहे. पारदर्शक पत्रकारितेमुळे समाजस्वास्थ्य टिकून आहे’, असा विश्वास उद्योजिका, निर्मल सिडस् च्या संचालिका वैशालीताई सुर्यवंशी यांनी पत्रकार दिनी व्यक्त केला.
जळगाव जिल्हा पत्रकार संघातर्फे पत्रकार भवनात ‘पत्रकार दिन’ साजरा झाला. याप्रसंगी जिल्हा बॅंकेचे अध्यक्ष गुलाबराव देवकर, महापौर जयश्री महाजन, माजी महापौर सिमाताई भोळे, जि.प.चे माजी अध्यक्ष दिलीप खोडपे, एम.के.सी.एल. चे उत्तर महाराष्ट्र सम्न्वयक संतोष बिरारी व माजी मुख्याध्यापक दिलीप बोंडे या मान्यवरांची प्रमुख उपस्थिती होती.
प्रारंभी परिषद प्रतिनिधी दिलीप शिरूडे यांनी प्रास्ताविकात पत्रकार संघाची वाटचाल व कारकीर्दीचा आढावा घेतला. अध्यक्षस्थानी विश्वस्त मंडळ अध्यक्ष विजयबापू पाटील होते. कार्यवाह अशोक भाटिया, अध्यक्ष डॉ.गोपी सोरडे, ग्रामीण अध्यक्ष भिका चौधरी, कार्याध्यक्ष प्रमोद पाटील, सरचिटणीस पांडुरंग महाले, ज्येष्ठ पत्रकार कमलाकर वाणी, संघटक दिपक नगरे, संगणक समिती अध्यक्ष विवेक खडसे, पालकमंत्री स्वीय सहाय्यक नवलसिंग राजे पाटील, प्रा.गोपाल दर्जी, सी. ए. हितेश आगीवाल, डॉ.मेहुल पटेल, जमनादास भाटिया, लेखराज उपाध्याय उपस्थित होते.
यावेळी गुलाबराव देवकर, जयश्री महाजन, दिलीप बोंडे, प्रा.गोपाल दर्जी, दिलीप खोडपे आदींनी मनोगत व्यक्त करून पत्रकारांना शुभेच्छा दिल्यात. कार्यक्रमाचे प्रमुख वक्ते संतोष बिरारी यांनी ‘सायबर क्राईम’ विषयावर संभाव्य फसवणूक व उपाययोजना याबाबत सविस्तर विवेचन केले. ‘एरंडोल तालुका पत्रकार’ संघास आदर्श पत्रकार संघ म्हणून सन्मानित करण्यात आले. कार्यवाह अशोक भाटिया यांना श्रीराम फाऊंडेशन तर्फे गोपाल दर्जी व दिपक नगरे आदींच्या हस्ते ‘जीवन गौरव’ पुरस्कार देण्यात आला. अध्यक्षीय मनोगतात विजयबापू पाटील यांनी पत्रकारांना न्याय मिळवून देण्याबाबत आश्वस्त केले.
याप्रसंगी ज्येष्ठ पत्रकार रविंद्र मोराणकर यांचा मुलगा तहसिलदार पदी नियुक्ती झाल्याबद्दल तसेच राष्ट्रीय पुरस्कार प्राप्त बाल तबलापटू यज्ञेश जेऊरकर व मुख्यमंत्री सहाय्यता निधी समन्वयक जितेंद्र गवळी, ज्येष्ठ पत्रकार कृष्णा पाटील, शिवलाल बारी, केदारनाथ दायमा, मुकुंद एडके, प्रा.राजेंद्र देशमुख, ज्येष्ठ छायाचित्रकार सुरेश सानप, शब्बीर सैय्यद, शेर खान, अजीत नांदेडकर आदींना सन्मानित करण्यात अाले. कार्यक्रमाचे सूत्रसंचालन दिलीप शिरूडे तर आभार डॉ.गोपी सोरडे यांनी मानले. प्रारंभी चि.यज्ञेश जेऊरकर यांनी ‘लहेरा’ सादर केला.
प्रारंभी मान्यवरांचे उपस्थितीत जिल्हा पत्रकार संघाची वार्षिक सर्वसाधारण सभा पार पडली. सभेत अजेंड्यावरील नमूद विषयांना सर्वानुमते मंजुरी देण्यात आली. जिल्हा पत्रकार संघाची नवीन कार्यकारिणी येत्या पंधरवड्यात घोषित करण्याबाबत विजयबापू पाटील यांनी सूचित केले. पुढील काळात ‘सायबर क्राईम’ या विषयावर पत्रकारांसाठी संतोष बिरारी यांची स्वतंत्र कार्यशाळा तसेच सरिता खाचणे यांच्या पुढाकाराने उत्तम स्वास्थ्यासाठी ‘फिजीओथेरपी शिबीर’ घेण्याबाबत नियोजन करण्यात आले. सर्वसाधारण सभेत जळगाव जिल्हा माहिती कार्यालयातील कार्यरत विनोद पाटील नामक कारकुनाची त्वरीत हकालपट्टी करावी. जिल्ह्यातील पत्रकारांशी अरेरावीने वर्तन केल्याबद्दल त्यांचा जाहीर निषेध करण्यात आला. जिल्ह्याला दोन कॅबिनेट मंत्री असूनही जिल्हा माहिती अधिकारी सतत गैरहजर राहत असून कार्यालयात फक्त दोन कर्मचारी असतात, तरी जिल्ह्याला कायमस्वरूपी निवासी जिल्हा माहिती अधिकारी द्यावेत अशी मागणी सभेत करण्यात आली.
यावेळी जिल्हा संघटक संजय निकुंभ, यामिनी कुलकर्णी, मनिष पात्रीकर, भगवान भटकर, प्रविण बारी, अमोल पाटील, बी.एस. चौधरी, गणेश शिंदे, ज्योती भाटिया, कुणाल भावसार आदींसह जिल्हाभरातील पत्रकार प्रतिनिधी, विश्वस्त सदस्य व पदाधिकारी यांची उपस्थिती होती.
आरोग्य तपासणी व लसीकरण शिबीर
पत्रकार दिनानिमित्त जळगाव जिल्हा पत्रकार संघ व मुक्ती फाऊंडेशनतर्फे पत्रकार कुटुंबियांसाठी संपूर्ण आरोग्य तपासणी व लसीकरण शिबीर झाले. आर.एल. हॉस्पीटल,, वाय.आर.जी.केअर यांचे संयुक्त सहकार्याने झालेल्या शिबिराचा लाभ उपस्थित पत्रकार प्रतिनिंधींनी घेतला. शिबीर यशस्वीतेसाठी डॉ.अजय हरदास, डॉ.अजय शिराेळे, स्वप्नील पालवे, प्रमोद थोरात, निरज ठाकूर, मयूर भदाणे, अक्षय चौधरी, रोहन कुलकर्णी, शिवान पाटील आदींनी परिश्रम घेतले.
