जळगाव मिरर । १३ ऑक्टोबर २०२२
चोपडा तालुक्यातील ऊसतोड मजूर पुरविण्याच्या नावाखाली तालुक्यातील नागलवाडी येथील एकाने सातारा जिल्ह्यातील एका वाहन मालकाची तब्बल ७ लाख ५० हजारात फसवणूक केल्याची घटना उघडकीस आली आहे.
सविस्तर वृत्त असे की, तालुक्यातील नागलवाडी येथील रहिवासी असलेल्या संशयित आरोपी बापू सुका भिल याने सातारा जिल्ह्यातील कामेरी येथील संतोष रामराव घाडगे यांची कामासाठी ऊसतोड मजूर पुरवितो असे सांगून ब्बल ७ लाख ५० हजार उचल घेत फसवणूक केल्याची घटना दि १९ सप्टेंबर रोजी घडली. या प्रकरणी चोपडा शहर पोलिसात संतोष घाडगे यांनी दिलेल्या तक्रारी वरून पोलिसात संशयित आरोपी बापू सुका भिल याच्या विरोधात गुन्हा दाखल करण्यात आला सून पुढील तपास पोहेकॉ.जितेंद्र सोनवणे हे करीत आहेत.
