जळगाव मिरर / १ डिसेंबर २०२२
दि. 3 ते 6 डिसेंबर 2022 रोजी परभणी येथे होणाऱ्या 49वी महाराष्ट्र राज्य कुमार/कुमारी गट राज्य अजिंक्यपद व निवड चाचणी कबड्डी स्पर्धेसाठी जळगाव जिल्ह्याचा संघ रवाना झाला. 49व्या जिल्हा अजिंक्यपद व निवड चाचणी कुमार / कुमारी गट कबड्डी स्पर्धेमधुन संभाव्य 20 खेळाडूंची निवड करण्यात आली होती. सदर संघाचे शिबिर अॅड. एस. ए. बाहेती महाविद्यालयाच्या क्रीडांगणावर घेण्यात आले. या संघातुन प्रातिनिधीक स्वरुपात 12 खेळाडूंची निवड ही श्री. सुनिल राणे व श्री. आनंद महांगडे यांनी केली.
सराव शिबिरात संघाला हितेश सोनी, अनिल कोळी, प्रा. हरीश शेळके, प्रशांत सुरळकर, कमलेश पाटील, विनय चौधरी यांनी मार्गदर्शन केले. कुमार गटामध्ये संघाचे नेतृत्व क्रीडा रसिक मंडळ जळगावचा खेळाडू ओम महांगडे व कुमारी गटांमध्ये एकलव्य क्रीडा मंडळ, जळगावची खेळाडू गायत्री सपकाळे हे संघाचे नेतृत्व करतील. निवड झालेल्या संघास जळगाव शहराचे आमदार राजू मामा भोळे, जळगाव जिल्हा कबड्डी असोसिएशनचे अध्यक्ष मोहनराव भावसार, सामाजिक कार्यकर्ते बंटी भारंबे, जळगाव जिल्हा कबड्डी असोसिएशनचे उपाध्यक्ष बशीर बागवान, चंद्रकांत लोढाया, जळगाव जिल्हा कबड्डी असोसिएशनचे कार्याध्यक्ष शाम कोगटा, जळगाव जिल्हा कबड्डी असोसिएशनचे सरकार्यवाह नितीन बरडे, संयुक्त कार्यवाह चैत्राम पवार, ॲलेक्झांडर मणी,अरुण गावंडे बी. एन. पाटील, नयनसागर मणी, अॅड. रोहन बाहेती, संजय संसारे, विवेक पाटील व जळगाव जिल्हा कबड्डी असोसिएशन पदाधिकायांनी शुभेच्छा दिल्या निवड झालेला संघ पुढीलप्रमाणे
कुमार गट – ओम महांगडे (कर्णधार), यश भोळे, जयेश महाजन, कुणाल सोनवणे, गौतम गवळी, मिलींद सोनवणे, धिरज चौधरी, रुपेश शिंगोटे, रामेश्वर राठोड, वैभव महाजन, भरत पाटील, चेतनकुमार जमादार, प्रशिक्षक – अनिल कोळी, संघ व्यवस्थापक- विनय चौधरी
कुमारी गट – गायत्री सपकाळे (कर्णधार), हर्षाली भोई, दिव्या मथुरे, तेजस्विनी परदेशी, नंदिनी तायडे, मयुरी बावस्कर, वैष्णवी माळी, वैष्णवी रत्नपारखी, श्रद्धा सपके, नंदिनी पाटील, रिता भांडरकर, दिपाली नागरुक, संघ प्रशिक्षक – प्रशांत सुरळकर संघ व्यवस्थापक- प्रा. रुणाल वाणी
