जळगाव मिरर | ३ नोव्हेंबर २०२३
राज्यातील अनेक महामार्गावर अपघाताची मालिका सुरु असताना एक भीषण अपघात नंदुरबार जिल्ह्यातील नवापूर जवळ अपघात झाला आहे. राज्य परिवहन महामंडळाच्या जळगाव विभागाची जामनेर- सुरत बस व ट्रकची समोरासमोर धडक झाल्याने हा अपघात झाला . या अपघातात ८ ते १० प्रवाशी जखमी झाल्याची माहिती मिळत आहे.
मिळालेल्या माहितीनुसार, नंदुरबार जिल्ह्यातील नवापूरजवळ महाराष्ट्र व गुजरात राज्याच्या सीमेवर असलेल्या सीमा तपासणी नाक्याजवळ दि. ३ रोजी सकाळी जामनेरहून सुरतकडे बस मार्गस्थ झाली होती. नवापूर बसस्थानकावरून बस निघाल्यानंतर दुपारी सव्वा तीन वाजेच्या सुमारास नागपूरच्या सीमा तपासणी नाक्याजवळ आल्यानंतर सुरतकडून महाराष्ट्र राज्यात येणारा ट्रक यांच्यात समोरासमोर धडक झाली. अपघातात जवळपास ८ ते १० प्रवासी किरकोळ जखमी झाल्याची माहिती आहे.
अपघातानंतर महामार्गावरील वाहतूक काही काळ विस्कळीत झाली होती. अपघातात जखमी प्रवाशांवर नवापूर रुग्णालयात प्राथमिक उपचार करण्यात आले आहे. महामार्गावरील वाढत्या अपघाताच्या प्रमाणामुळे चिंता व्यक्त केली जात आहे. राष्ट्रीय महामार्ग चौपदरीकरणाचे काम संथगतीने सुरू आहे. त्यामुळे नवापूर तालुक्यात अपघात वाढले असल्याचे बोलले जात आहे. जामनेर सुरत बस मधील प्रवाश्यांना पर्यायी बस व्यवस्था करण्यात आली आहे.
