जळगाव मिरर | २८ एप्रिल २०२६
भारतीय जनता पार्टी महानगर जिल्हा जळगावच्या वतीने प्रशांत जाधव यांची कामगार महानगर जिल्हाध्यक्षपदी नियुक्ती करण्यात आली आहे. पक्षातील सक्रिय कार्यकर्ता म्हणून ओळख असलेल्या जाधव यांच्यावर ही महत्त्वाची जबाबदारी सोपवण्यात आल्याने कार्यकर्त्यांमध्ये उत्साहाचे वातावरण निर्माण झाले आहे.
ही नियुक्ती राज्याचे मुख्यमंत्री देवेद्र फडणवीस , प्रदेशाध्यक्ष रवींद्र चव्हाण, केंद्रीय राज्यमंत्री रक्षाताई खडसे , जलसंपदा व आपत्ती व्यवस्थापन मंत्री गिरीश महाजन, वस्त्रोद्योग मंत्री संजय सावकारे , प्रदेश महामंत्री विजय चव्हाण, विभागीय संघटन मंत्री रवींद्र अनासपुरे , खासदार स्मिता वाघ, आमदार सुरेश भोळे , मंगेश चव्हाण व अमोल जावळे यांच्या मार्गदर्शनाखाली करण्यात आली आहे.
प्रशांत जाधव यांनी पक्षाच्या विविध स्तरांवर काम करताना संघटन मजबूत करण्यासाठी सातत्याने प्रयत्न केले आहेत. कामगार वर्गाशी घट्ट नाते ठेवत त्यांनी अनेक प्रश्न सोडवण्यासाठी पुढाकार घेतला आहे. त्यांच्या या कार्याची दखल घेत पक्षाने त्यांच्यावर ही महत्त्वपूर्ण जबाबदारी सोपवली आहे. नियुक्तीनंतर बोलताना जाधव यांनी पक्ष नेतृत्वाचे आभार मानत, “कामगारांच्या समस्या सोडवण्यासाठी आणि पक्ष संघटन अधिक बळकट करण्यासाठी पूर्ण क्षमतेने काम करणार,” अशी ग्वाही दिली. दरम्यान, त्यांच्या नियुक्तीबद्दल कार्यकर्त्यांकडून अभिनंदनाचा वर्षाव होत असून आगामी काळात जळगावात पक्ष संघटन अधिक मजबूत होईल, असा विश्वास व्यक्त केला जात आहे.
