जळगाव मिरर | ३० मे २०२३
राज्यातील ठाकरेंच्या शिवसेनेतून बाहेर पडत एकनाथ शिंदे यांनी भाजपसोबत घरोबा करून सत्ता स्थापन केली आहे. पण आगामी निवडणुकीत आता भाजप कामाला लागली असल्याने राज्यातील शिंदे गटातील खासदारांना अस्वस्थ वाटू लागत आहे.
शिंदें गटाचा दावा असलेल्या मतदार संघात भाजपाने संयोजक नेमले आहेत. शिवसेना शिंदे गटाच्या 13 खासदारांच्या मतदारसंघात देखील भाजपाने संयोजक नेमले आहेत. या मतदार संघात भाजपाने संयोजक नेमल्याने शिंदे गटात अस्वस्थता निर्माण झाली आहे. नाशिक लोकसभा मतदार संघात देवयानी फरांदे यांना तर शिर्डीत विखे पाटील यांना संयोजक म्हणून जबबदारी दिली आहे. हे भाजपाचे दबावतंत्र आल्याची शिंदे गटात कुजबुज सुरु झालीय.
कोणते मतदारसंघ शिंदेंच्या शिवसेनेकडे जातील? याबाबत अजून निर्णय झालेला नाही. यामुळे हा मतदार संघ कोणाकडे आहे, याचा विचार न करता तयारी करा. जागावाटपात पुढे काय होईल, ते नंतर ठरणार आहे. परंतु आपल्या मतदारसंघात शिवसेनेचा खासदार आहे म्हणून काही करण्याची गरज नाही, असे अजिबात समजू नका, असे निर्देश खालपर्यंतच्या यंत्रणेला दिले गेले आहेत. तसेच भाजपइतकी संघटनात्मक रचना शिंदे गटाकडे नाही. त्यामुळे त्यांना भाजपवरच अवलंबून राहावे लागणार आहे. २०२४ मध्ये होणाऱ्या लोकसभा निवडणुकीबाबत शिवसेना खासदारांची नुकतीच बैठक झाली. आगामी लोकसभा निवडणुकीसाठी भाजप-शिवसेना जागावाटपाच्या सूत्रानुसार शिवसेना 48 पैकी 22 जागा लढवणार असल्याचा ठराव या बैठकीत मंजूर करण्यात आला. मुख्यमंत्री एकनाथ शिंदे यांच्या वर्षा या शासकीय निवासस्थानी ही बैठक झाली होती. या बैठकीनंतर खासदार गजानन कीर्तिकर यांनी ही माहिती दिली.
