पळाखेडे(मिराचे) : करण साळुंके
जिल्ह्यातील ८ तालुक्यातील २९ ठिकाणी जनावरांमध्ये लंपी स्किन डीसीज आढळून आला आहे. या रोगाचा प्रसार निरोगी पशुधनास होण्याची शक्यता नाकारता येत नाही. हा आजार विषाणुजन्य आणि सांसर्गिक असल्याने या रोगाचा प्रसार होउ नये म्हणून प्रतिबंधात्मक उपाययोजना तात्काळ अंमलात आणण्याचे निर्देश जिल्हाधिकारी तथा अध्यक्ष आपत्ती व्यवस्थापन प्राधिकरण अभिजीत राऊत यांनी दिले.
त्यासाठी आज दि.१३ सप्टेंबर रोजी मुख्य कार्यकारी अधिकारी यांनी प्रत्येक्ष घरोघरी जाऊन गुरांच्या अंगावर झालेल्या गांठीची पहाणी केली आहे. त्याठिकाणी
गुरांची पाहणी करण्यासाठी अतिरिक्त मुख्य कार्यकारी अधिकारी बाळासाहेब मोहन, जिल्हा पशुसंवर्धन अधिकारी श्री.सिसोदे ,पशुवैद्यकीय अधिकारी डॉ.श्रीकांत व्यवहारे यांनी मिराचे पळासखेडे येथे भेट देऊन पाहणी केली. रात्री ११ वाजे पर्यंत पशुवैद्यकीय अधिकारी आपली सेवा बजावत असून शेतकऱ्यांना योग्य रितीने मार्गदर्शन करण्याचा प्रयत्न यावेळी केला आहे. तपासणी करतेवेळी उपस्थित गावातील मंगल राजपूत, उपसरपंच रविंद्र हडप यांच्यासह शेतकरी व पशुपालक उपस्थित होते.
