जळगाव मिरर | २९ ऑगस्ट २०२३
माहेरी असलेल्या बहिणीला रक्षाबंधनासाठी घेण्यासाठी निघालेल्या भावाचा अपघात झाला असून ही घटना चाळीसगाव तालुक्यातील सावखेडा येथील हॉटेल देव चौफुलीवरील पातोंडा रस्त्यावर घडली. या अपघातात तरुण गंभीर जखमी झाला असून, दैवं बलवत्तर म्हणून तो बचावला. त्यास रुग्णालयात दाखल करण्यात आले असून, उपचार सुरु आहेत.
पारोळा तालुक्यातील रत्नापिंप्री येथील रोहित कैलास मराठे हा रक्षाबंधनासाठी धरणगाव तालुक्यातील नारणे येथे बहिणीला घेण्यासाठी दुचाकीने जात होता. यावेळी हॉटेल देव चौफुलीजवळ अमळनेरकडून चोपडाकडे जाणाऱ्या दोन बसेस एकामागून एक भरधाव जात होत्या. मागची बस पुढच्या बसला ओव्हरटेक करीत असताना बसच्या मागील भागाने रोहितला जोरदार धडक दिली. तो रस्त्याच्या बाजूस चारीत फेकला गेला. त्याच्या पायाला व इतर ठिकाणी गंभीर दुखापत झाली आहे. या बससेमुळे अपघात होऊन तो रस्त्याच्या पलिकडे फेकला जाऊन जखमी अवस्थेत पडला होता. सुदैवाने त्याचे प्राण वाचले असून त्याच्यावर शस्त्रक्रिया होणार आहे.
