जळगाव मिरर | १३ नोव्हेबर २०२३
देशभर दिवाळी साजरी होत आहे. या सणाला गृहलक्ष्मीला मोठे महत्व दिले जात असते. पण जळगाव शहरातील एक धक्कादायक घटना घडली आहे. प्रकृती अस्वास्थ्यामुळे गेल्या महिनाभरापासून हरिविठ्ठल नगरात माहेरी आलेल्या योगिता सचिन भावसार (४०, रा. वर्शी, जि. धुळे) या विवाहितेने धावत्या रेल्वेखाली आत्महत्या केल्याची घटना रविवार, १२ नोव्हेंबर रोजी दुपारी १२ वाजेच्या सुमारास घडली. सोशल मीडियामुळे या विवाहितेची ओळख पटली. दरम्यान, ऐन लक्ष्मीपूजनाच्या दिवशी घरच्या लक्ष्मीने जीवन संपविल्याने दोन मुले पोरकी झाली आहेत.
मिळालेल्या माहितीनुसार, धुळे जिल्ह्यातील वर्शी येथील योगिता भावसार या पती व दोन मुलांसह , राहत होत्या. गेल्या महिनाभरापासून त्यांची प्रकृती खराब असल्यामुळे त्या जळगावात हरिविठ्ठल नगर येथे माहेरी आलेल्या होत्या. रविवार, १२ नोव्हेंबर रोजी सकाळी १० वाजेच्या सुमारास कोणाला काहीही न सांगता त्या घरातून निघून गेल्या होत्या. त्यांनी आशाबाबा नगर जवळील रेल्वे खंबा क्रमांक ४१७/८ जवळ धावत्या रेल्वेसमोर आत्महत्या केली. आत्महत्येचे कारण समजू शकले नाही. मृतदेहाचा पंचनामा केला त्या वेळी सुरुवातीला मृतदेह अनोळखी होता. त्यावेळी पोलिसांनी सोशल मीडियाच्या माध्यमातून विवाहितेची ओळख पटवली. मृतदेह शासकीय वैद्यकीय महाविद्यालय व रुग्णालयात नेण्यात आला. तेथे नातेवाइकांनी मोठा आक्रोश केला. मयत महिलेच्या पश्चात पती, दोन मुले असा परिवार
