जळगाव मिरर । १४ जानेवारी २०२३ ।
जिल्ह्यातील गेल्या काही दिवसापासून असा एक दिवस नाही कि महिलेवर किवा अल्पवयीन मुलीवर अन्याय होत नाही रोज अशा घटना घडत असतांना नुकतीच एक घटना समोर आली आहे. मतीमंद तरुणीवर अज्ञात इसमाने तिच्यावर अत्यचार करीत तिला गर्भवती केल्याची संतापजनक घटना जिल्ह्यात घडली आहे.
एका शेतमजुरी करणा-या मतीमंद तरुणीवर झालेल्या अत्याचारातून तरुणी तिन महिन्यांची गर्भवती झाल्याची खळबळजनक घटना उघडकीस आली आहे. या घटनेप्रकरणी पारोळा पोलिस स्टेशनला अज्ञात आरोपीविरुद्ध बलात्काराचा गुन्हा दाखल करण्यात आला आहे.
पारोळा येथे शेतमजुरी करणारे कुटूंब शेतात जात होते. दरम्यानच्या कालावधीत मतीमंद तरुणी घरात एकटी रहात असल्याचा गैरफायदा घेत तिच्यावर अज्ञाताने वेळोवेळी अत्याचार केला. त्यातून ती तिन महिन्यांची गर्भवती असल्याचे उघडकीस आले आहे.
तरुणीचे पोट दुखत असल्याचे तिच्या आईला समजल्यानंतर तिने तिला पारोळा येथील एका खासगी दवाखान्यात दाखल केले असता हा प्रकार उघड झाला. अधिक उपचारार्थ तिला धुळे शासकीय रुग्णालयात दाखल करण्यात आले. तरुणीच्या आईने दिलेल्या फिर्यादीनुसार पारोळा पोलिस स्टेशनला गुन्हा दाखल करण्यात आला असून पुढील तपास पोलिस उपनिरीक्षक गंभीर शिंदे करत आहेत.
