जळगाव मिरर | २० एप्रिल २०२५
शहर पोलीस स्थानक व स्थनिक गुन्हे शाखेच्या पथकाने स्पा सेंटरच्या नावाखाली परप्रांतीय महिलांकडून देहविक्रीचा व्यवसाय करणाऱ्यांचा पर्दाफाश केला. स्पा सेंटरचा कागदोपत्री मालक विक्रम राजपाल चंदमारी ढानी (वय २०, रा. चत्तर गढपत्ती, जि. सिरसा, हरीयाणा) हा असून तो फरार असून पोलिसांकडून त्याचा शोध घेतला जात आहे. तसेच अटकेतील संशयिताला दि. २३ पर्यंत पोलीस कोठडी सुनावण्यात आली आहे.
मिळालेल्या माहितीनुसार, जळगाव शहरातील गोविंदा रिक्षा स्टॉप जवळ नयनतारा ऑर्किड मॉल येथे दुकान नंबर ४०८ मध्ये मसाज पार्लरच्या कुंटणखाना चालविला जात होता. स्थानिक गुन्हे शाखेसह शहर पोलिसांनी संयुक्त कारवाई करीत स्पा सेंटवर छापा टाकला. याठिकाणाहुन स्पा सेंटरचा मॅनेजर राजू मधुजी जाट (रा.कलोधिया ता. पिंपरी जि. भीलवाडा, राजस्थान) याच्यासह चार परप्रांतीय महिलांना ताब्यात घेतले. यावेळी पीडित महिलांची आशादिप वस्तीगृहात रवानगी करण्यात आली असून स्पा सेंटरचा मालक विक्रम राजपाल चंदमारी धानी (वय २० वर्ष रा. चत्तरगढ पत्ती जि. सिरसा, हरियाणा) याच्यासह मॅनेजरविरुद्ध गुन्हा दाखल करण्यात आला आहे. पोलिसांनी स्पा सेंटरच्या मॅनेजर राजू जाट याला अटक केली होती.
स्पा सेंटर चालविणाऱ्या मॅनेजर राजू जाट याला अटक केल्यानंतर सोमवारी न्यायालयात हजर करण्यात आले. न्यायालयात संशयितांची चौकशी करुन स्पा सेंटरच्या मालकाचा शोध घेण्यासह पीडित महिलांची चौकशी करण्यासाठी संशयित राजू जाट याला न्यायालयाने दि. २३ पर्यंत पोलीस कोठडी सुनावली आहे.
