चाळीसगाव : कल्पेश महाले
गेल्या काही दिवसापासून चाळीसगाव तालुक्यात मोठ्या प्रमाणात पोलिसांची गस्त सुरु असतांना मध्यरात्रीच्या सुमारास भरधाव जाणाऱ्या गाड्यांची तपासणी करीत असतांना पोलिसांना नेहमीच चोरीच्या गाड्याचे उघड होत असतांना दि. ६ ते दि.७ रोजीच्या रात्री देखील एक पिकअप गाडी भरधाव वेगात असतांना पोलिसांनी त्याची तपासणी केली असता ती गाडी चोरीची निघाली आहे. याप्रकरणी चाळीसगाव पोलिसांनी गुन्हा दाखल करण्यात आला आहे.
मिळालेल्या माहितीनुसार, चाळीसगाव चाळीसगाव शहरात पोलीस स्टेशन हद्दीत रात्रगस्त पेट्रोलिंग करण्याची मोहीम राबविण्यात आली असतांना रात्री १ वाजेच्या सुमारास मालेगाव रोड लगत असलेला एल.पी.जी. पंपासमोर मालेगाव कडुन चाळीसगाव शहराकडे एक बोलेरो पिकअप वाहन भरधाव वेगाने येतांना दिसली. त्यावेळी गस्तीवर असलेले पोना अमृत पाटील, पोकों विजय पाटील यांनी सदर वाहन चालकास पिकअफ थांबविण्याचा इशारा केला असता. त्याने पिकअप वाहन न थांबविता भरधाव वेगाने पिकअप वाहन हे चाळीसगाव शहराकडे चालवित नेले. तेव्हा पोलीस अंमलदार यांना सदर वाहनावर अधिक संशय बळावल्याने त्यांनी सदर वाहनाचा पाठलाग करून सदर वाहनास हॉटेल आशिष गार्डन समोर रात्री 01/10 वा सुमारास थांबविले.
तेव्हा वाहन चालकास तु वाहन एवढ्या भरधाव वेगाने का चालवित आहात असे विचारपुस करता त्याने उडवा उडवीचे उत्तरे दिली, त्यास त्याचे नाव गाव विचारले असता त्याने त्याचे नाव – 1) शेख फरान शेख आरीफ वय 22 वर्ष रा. अक्सा कॉलनी, हाजरा मस्जिद जवळ मालेगाव ता. मालेगाव जि. नाशिक, असे सांगितले, त्यास त्याच्या ताब्यातील पिकअप वाहनाचे मालकी हक्काबाबत व कागदपत्रांबाबत विचारपुस करता त्याने कोणतेही समाधान कारक उत्तर न दिल्याने उडवा उडवीचे उत्तरे दिली व पिकअप वाहनाचे मालकी हक्काबाबत कोणताही दस्तऐवज अगर पुरावा सादर करु शकला नाही. तेव्हा पोलीस पथकाचा अधिक संशय बळावल्याने व सदरचे पिकअप वाहन हे चोरीचे असल्याबाबत खात्री झाल्याने सदर इसमादिरुध्द पोकों विजय पाटील यांचे फिर्यादीवरुन गुरनं. 475 / 2023 महा. पोलीस अधिनियम कलम 124 प्रमाणे गुन्हा दाखल करून आरोपीताचे ताब्यात मिळालेले वाहन जप्त करण्यात आले.
सदर गुन्ह्याचा सखोल तपास पोहेकॉ राहुल सोनवणे व पोकों ज्ञानेश्वर पाटोळे यांनी केला असुन गुन्ह्याचे तपासात आरोपीताच्या ताब्यात मिळुन आलेले 5,00,000/- रु. किंमतीची महिन्द्रा कंपनीची बोलेरो पिकअप वाहन हे छावणी पो.स्टे. मालेगाव जि. नाशिक ग्रामीण कडील गुरनं. 282 / 2023 भा.द.वि. कलम 379 प्रमाणे दाखल गुन्ह्यातील चोरीस गेलेले असल्याचे गुन्ह्याचे तपासात निष्पन्न झाले आहे. सदरची कारवाई ही चाळीसगाव शहर पोलीस स्टेशन चे पोलीस निरीक्षक श्री संदिप पाटील यांचे मार्गदर्शनाखाली पोहेकॉ राहुल सोनवणे, पोना अमृत पाटील, पोना महेंद्र पाटील, पोना भुषण पाटील, पोकों विजय पाटील, पोकों आशुतोष सोनवणे, पोकों रविंद्र बच्छे, पोकों पवन पाटील, मोकॉ ज्ञानेश्वर गिते, पोकों ज्ञानेश्वर पाटोळे, पोकों समाधान पाटील, पोकों राकेश महाजन यांचे पथकाने केली आहे.
